Математиката е едноставна и се темели на службени податоци за ширење на пандемијата во реално време. Авторите се научници од Технолошкиот институт во Џорџија, а нивната методологија доби повтрди со објава во престижното научно списание Nature.
На интернет страницата ризикот дека сте во друштво на инфицирано лице засега може да се пресмета за САД и за дел од европските земји.
Моделот го зема предвид фактот дека реалниот број на заразени е пет до десет пати поголем од бројот на позитивни тестови, па корисникот може да избере една од тие две хипотези за својата пресметка. Исто така може да бира дали сака друштво од пет, десет, педесет, сто, па дури и 5000 лица.
Авторите завземале конзервативен пристап, па пресметуваат дека заразеното лице е позитивно десетина дена, вели главниот творец на програмата, Џошуа Вајц. Епидемиолозите во реалноста пресметуваат дека лицето е заразно покусо, пет до шест дена, и покрај тоа што резидуалната присутност на вирусот во организмот е подолга.
Авторите напоменуваат дека нивниот модел само ја пресметува веројатноста дека некој во вашето друштво е заразен, а не и колкава е веројатноста дека и вие ќе се заразите, бидејќи тоа зависи од повеќе варијабли, како носење наска и проветрување на просториите.
“Се надеваме дека овие информации ќе резултираатт со тоа да луѓето не организираат поголеми собири и случувања и да го преиспитаат своето учество во нив“, вели Вајц.
