ХРАНА
ПРВО ДЕТЕ: Се органско, домашно и строго проверено. Храната секогаш е свежо подготвена, сокчињата исцедени, а за брза храна нема место на менито. Барем додека баба и дедо не им ја дадат првата смока или купечки сок.
ВТОРО ДЕТЕ: Од малку смоки или соленки нема да му биде ништо. Сокот е ОК.
ОБЛЕКА
ПРВО ДЕТЕ: Облека од проверено потекло, брендирана и 100% памук.
ВТОРО ДЕТЕ: Добра е и носената облека на постариот брат или сестра. А, не е лоша ниту онаа од роднините или соседите.
КАПЕЊЕ
ПРВО ДЕТЕ: Ритуалите на капење секоја вечер во исто време се неизбежен дел од успивањето. Бебето се негува со гел или купка за капење од престижна марка.
ВТОРО ДЕТЕ: Два пати недело, останатите денови му се мие само газето. Може и со шампонот од постарото братче или сестриче.
РУТИНА НА ЗАСПИВАЊЕ
ПРВО ДЕТЕ: Легнување на сиење секоја вечер во исто време со омилената играчка, песна и слично. Строго почитување на правилата на рутината, оти тоа кај децата создава сигурност.
ВТОРО ДЕТЕ: Заспива во дневната соба со прсте или шише во уста, некаде околу 22 часот.
ПРИЈАТЕЛИ
ПРВО ДЕТЕ: Организирани дружења со пријателите од градинка или од парк.
ВТОРО ДЕТЕ: Пријатели од постариот брат или сестра.
ИГРАЧКИ
ПРВО ДЕТЕ: Играчки со врвен квалитет, од проверено потекло со строго дефиниран ефект за развој и поттик на способностите кај детето.
ВТОРО ДЕТЕ: Автомобилче или кукла од локалната продавница за максимум 100 денари, важно да е нешто ново и само негово.
ТВ ПРАВИЛА
ПРВО ДЕТЕ: Само Baby TV и тоа 23 минути на ден.
ВТОРО ДЕТЕ: Веќе на две години го изгледало “Кралот на лавовите“, а на три веќе знае да ги листа сликите на мобилен и да игра игрица.
ФОТОГРАФИИ
ПРВО ДЕТЕ: Фотографии на мама во првото, второто и третото тромесечие. Фотографии од првиот заб, првата кашичка, првите чекори, првото излегување и прошетка во парк.
ВТОРО ДЕТЕ: Неколку слики во прегратка на постариот брат или сестра, и секако слики од роденедените.
