Според Американскиот центар за контрола и превенција на болести (CDC) по вакцинацијата против Ковид-19 може да се јават лесни несакани ефекти, кои може да вклучуваат болка, црвенило и оток на местото на инјектирање, треска, главоболка, замор, гадење, грозница и болки во мускулите. Овие симптоми се всушност знак дека вашето тело гради имунитет, а поминуваат сами по себе за неколку дена. Но, можете да направите неколку работи за да ги олесните несаканите ефекти.
Хранете се здраво, внесувајте доволно течности, одморајте се за да му дадете на имунолошкиот систем најдобра шанса добро да одговори на вакцината и брзо да закрепне, пишува „Хафингтон пост“
Чај од ѓумбир
Чајот од ѓумбир може да помогне против гадење. Се верува дека ѓумбирот им помага на луѓето кои имаат гастроинтестинални проблеми.
Не постете и немојте да пиете пијалаци за детоксикација
„Развојот на имунитетот зависи од тоа како организмот ги „чита“ упатствата од вакцината и синтетизира антитела и бели крвни зрнца, за што се потребни соодветни протеини во исхраната“, вели д-р Роналд Хофман, лекар од Њујорк. Затоа, непосредно пред и по вакцинацијата не треба да постите или да пиете чаеви и сокови за детоксикација.
Неколку недели пред да се вакцинирате, јадете многу зеленчук, овошје, житарки од цели зрна, риба, грав и јајца
Течности
Пијте многу течности. Тоа може да биде обична или минерална вода и разни чаеви. Еден од несаканите ефекти на вакцинацијата е треска што може да доведе до дехидрираност, затоа треба да пиете многу течности.
Јадете здраво
Треба да се храните здраво неколку недели пред вакцинацијата. Познато е дека медитеранската исхрана има антиинфламаторно дејство. Неколку недели пред да се вакцинирате, јадете многу зеленчук, овошје, житарки од цели зрна, риба, грав и јајца.
Јадете супа
Обична пилешка супа со многу зеленчук е лесен оброк што лесно се подготвува, вари и е исклучително хранлив.
Затоа, хранете се здраво, внесувајте доволно течности, одморајте се за да му дадете на имунолошкиот систем најдобра шанса добро да одговори на вакцината и брзо да закрепне, пишува „Хафингтон пост“.
