Симптомите кои најавуваатт појавување на првите заби, се различни од дете до дете.
Симптомите може да бидат:
- Детето често е нервозно и вознемирено
- Детето има постојана потреба да го става рачето во уста, или различни предмети, односно има потреба да гризе
- Непцата се надразнети, отечени и груби. Се тоа е проследено со обилно лачење на плунка, поради чувството на нелагодност и болка, но и поради развој на плунковите жлезди.
- Може да дојде до намалување на апетитот, дури и незаинтересираност и за омилените јадења
- Може да дојде до промена на ритамот на спиење, бебето навечер да се буди плачејќи и да биде вознемирено за време на сонот.
- Иако стручната јавност не признава, може да дојде и до појава на пролив и повраќање. Можно е и благо интестинално пореметување и телесна температура до 38 степени.
СОВЕТИ ЗА ПОМОШ
Во овој период од животот на детето, најважна е нагата и љубовта од родителите.. Нивното постојано присуство, прегратка и нежност ќе го утеши бебето, ќе ги намали болките и ќе допринесе полесно да ги преброди непријатностите кои го следат периодот на никнување на забите.
