Ако сте родител, сигурно сакате вашето дете да биде среќно. Лесно е да се каже, но понекогаш е тешко да се постигне. За среќа, истражувачите Лори Сантос и Артур Брукс можат да помогнат. Тие се психолози од Универзитетот Јеил и Харвард, а за родителите кои сакаат да одгледаат посреќно дете имаат три совети.
Научете го вашето дете дека негативните емоции се нормални и не се трајни
„Понекогаш сме вознемирени или тажни или фрустрирани и детето треба да знае дека тоа е нормално“, велат тие и додаваат дека ниедно дете не треба да се срами од чувствата како лутина, тага или вознемиреност.
Не учете го детето да се плаши од светот
„Светот е полн со негативни работи, но ако се обидете да го подготвите вашето дете за секое можно сценарио, ризикувате да го преплашите. Тоа нема да го заштити детето, може само да го вознемири и да му ги намали шансите за успех“, објаснуваат истражувачите.
Понекогаш сме вознемирени или тажни или фрустрирани и детето треба да знае дека тоа е нормално, велат психолозите и додаваат дека ниедно дете не треба да се срами од чувствата како лутина, тага или вознемиреност
Брукс во колумна за Атлантик минатата година напиша: „Децата кои го гледаат светот како опасен и заканувачки се помалку здрави од нивните врсници, имаат поголема веројатност да бидат тажни, поверојатно е дека ќе бидат депресивни и помалку задоволни од својот живот“.
Обидете се да имате позитивно влијание бидејќи среќата е заразна
Брукс и Сантос се согласуваат за една клучна работа за среќата – таа е заразна. Кога родителот е радосен, големи се шансите да биде и детето.
