Да се биде мајка е многу напорна и предизвикувачка задача. Иако мајчинството не доаѓа со правила кои би ни го олесниле снаоѓањето во улогата на родител, учењето од сопствените грешки е вообичаена појава кога воспитуваме дете. Мајките често се наоѓаат под лупа, особено ако ги балансираат мајчинските обврски со оние на работа или некоја друга област од животот. Исто така, тие неретко се изложени на критики од околината, што може да биде дополнително обесхрабрување.
Мајките често се грижат дали ја вршат својата работа како што треба или дали би можеле да бидат малку подобри во тоа. Како што објаснуваат психолозите, наводно постои една карактеристика што е заедничко за речиси сите добри мајки. Се работи за сочувство. Експертите тврдат дека мајките кои се сочувствителни и секогаш подготвени да го сослушаат своето дете докажано се најдобри мајки, а еве зошто.
Имено, познат е фактот дека на секое дете му треба некој да го сослуша, особено кога има одреден проблем што го мачи. Мајка која не е склона кон осудување, туку секогаш има разбирање за проблемите на своето дете, полесно ќе му помогне да ги преброди тешките моменти и да прерасне во среќен и успешен возрасен човек.
