СВЕТСКА НЕДЕЛА НА ИМУНИЗАЦИЈА 2022: Вакцинацијата спасува пет милиони животи годишно

Глобалната покриеност со вакцинација во 2020 година, според проценките на СЗО, е намалена на 83%. Истата година, дури 23 милиони деца во светот биле лишени од елементарните вакцини

Светската недела на имунизација 2022 се одбележува под мотото „Долг живот за сите“

Глобалната иницијатива на Светската здравствена организација (СЗО) – Светска недела на имунизација 2022 се одбележува во последната недела од април (24-30 април) под мотото „Долг живот за сите“, со порака дека вакцинацијата спасува околу пет милиони животи ширум светот секоја година.

Вакцините можат да заштитат од повеќе од 20 опасни заразни болести. Тие се исто така клучни во борбата против антимикробната резистенција (АМР), бидејќи спречувањето на болести и намалувањето на побарувачката за антибиотици ја зачувува нивната ефикасност, порачуваат од СЗО по повод Светската недела на имунизација.

Многу некогаш смртоносни болести се елиминирани благодарение на вакцините

Многу некогаш смртоносни болести се елиминирани благодарение на вакцинацијата. Зголемувањето на опфатот со вакцинација и искористувањето на целосниот потенцијал на истражувањата и иновациите на вакцините значи поздрава иднина и побезбеден живот за луѓето, истакнува СЗО.

Речиси половина милион животи на лица постари од 60 години се спасени од воведувањето на вакцината против Ковид-19 само во европскиот регион на СЗО.

Но, пандемијата на Ковид, исто така, влијаеше и на достапноста на вакцините против други заразни болести, што е нов глобален предизвик.

Глобалната покриеност со вакцинација во 2020 година, според проценките на СЗО, е намалена на 83%. Истата година, дури 23 милиони деца во светот биле лишени од елементарните вакцини.

Програмите за вакцинација се отежнати или прекинати поради војната во Украина, а на милиони бегалци треба да им се обезбеди здравствена заштита, вклучително и вакцинација. Сето ова ја прави важноста на општиот пристап до вакцините појасна од кога било, истакнува СЗО.

Вакцините можат да заштитат од повеќе од 20 опасни заразни болести. Тие се исто така клучни во борбата против антимикробната резистенција (АМР), бидејќи спречувањето на болести и намалувањето на побарувачката за антибиотици ја зачувува нивната ефикасност, порачуваат од СЗО по повод Светската недела на имунизација

Истражувањата покажуваат дека инвестицијата за вакцинирање на еден Европеец против 17 болести изнесува вкупно до најмногу 3.500 евра, што е многукратно помалку од другите превентивни интервенции.

Вакцинацијата против грип годишно, според податоците од европските истражувања, може да заштеди до 332 милиони евра само во Европа поради намалените здравствени услуги.

Прочитајте и…

Д-р Соња Ралева: БОЛЕСТИТЕ НЕ СЕ СУДБИНА ДОКОЛКУ СЕ ПРЕВЕНТАБИЛНИ – Редовната вакцинација на децата мора да се спроведува без разлика на пандемијата