Детскиот и семеен терапевт Елен Крамп вели дека родителите често доаѓаат кај неа барајќи помош за децата кои се „експлозивни“ и „надвор од контрола“. Како што вели, често не се работи за бес, туку за неспособност на децата да се соочат со фрустрацијата.
Таа објаснува зошто е важна фрустрацијата и зошто е важно родителите да им дозволат на децата да се соочат со различни нивоа на фрустрација.
Крамп истакнува дека живееме во свет во кој помалку или повеќе се ни е достапно, се е на дофат, а ние ги исполнуваме не само сите потреби на нашите деца, туку речиси сите нивни желби.
“Уживаме во тоа да на децата им пружаме работи и искуства кои им носат задоволство. Кога се ќе се подвлече, тоа е начин на покажување љубов. Меѓутоа, кога ја исполнуваме секоја желба и потреба на детето, му ја ускратуваме можноста да развие важна животна вештина. Им ја одземаме способноста да се прилагодат. Кога ќе се најдат во ситуација кога некои од нивните желби не се исполнети, тие не можат да се прилагодат на тоа и да продолжат понатаму. Кога ќе се соочат со голема фрустрација , можат да реагираат на различни начини кои не им помагаат затоа што немаат можност да вежбаат на помали фрустрации како да се однесуваат“, вели терапевтот.
Кога детето кое не е научено на фрустрација ќе се „заглави“ во неа, тоа не умее да ја прифати, туку наместо тоа реагира со бес и агресија. Најчесто се бесни оние деца кои се „заглавени“, тврди терапевтот, наведувајќи дека се заглавени во фрустрации на кои не умеат да се прилагодат.
Таа потсетува дека децата во текот на животот ќе наидуваат на бројни фрустрации и дека работа и желба на родителите е да ги научат да се приспособат и да се справат со сето ова. И како можат да успеат?
„Дозволете им на децата да искусат мали фрустрации со кои сте сигурни дека можат да се справат. Кажете не понекогаш, само колку да кажете не. Кога детето ќе научи да се справува со овие мали, толерантни фрустрации, тоа го учи на подлабоки емоционални процеси кои ќе му помогнат кога ќе доживеат некоја голема фрустрација“, вели терапевтот Крамп.
