Труењето со храна може да биде една од причините зошто вашето дете има дигестивни проблеми, а се јавува набргу по консумирање на контаминирана храна. Кога оброкот што го изел детето, е контаминиран со некоја бактерија или нејзини токсини, а најчесто поради неправилно подготвување и складирање на намирниците.
Салмонелозата е најчеста форма на труење со храна, а јадењата кои се особено ризични се јајцата и колачите направени од сурови јајца (кремпита, принцес крофни и слично), потоа мелено месо, обично во сос, мајонез и јадења кои содржат мајонез (руска салата и сл.), тартар сос, панирани, поховани стекови кои се недоволно печени и јајца воопшто.
Но, повеќето останати бактериски труења со храна се случуваат на ист начин, односно со размножување на причинителот во намирниците или јадењата, со оставање на храната надвор од фрижидер неколку часа на собна температура.
Кои се најчестите симптоми на труење?
За да му помогнете на детето што е можно поскоро, важно е да ги препознаете симптомите на труење. Првите симптоми може да се појават веднаш по оброкот.
- Мачнина
- Повраќање
- Дијареа
- Стомачни болки
- Главоболка
- Слабост, малаксаност
Како да се лекува труењето со храна?
Обично овие симптоми поминуваат по некое време, без никаква терапија, но важно е што поскоро да се оди на лекар, особено ако детето не може да внесува доволно течности поради честото повраќање. Доколку лекарот процени дека постои ризик од дехидрација, ќе му се даде инфузија, а некои видови бактерии, како листеријата, бараат употреба на антибиотици.
Како да разликувате труење со храна од стомачен или цревен вирус?
Постојат повеќе зеднички симптоми на стомачни или цревни вируси и труење со храна: грчеви во стомакот, покачена температура, ладна пот, гадење, дијареа, губење на апетит, болки во мускулите и зглобовите, главоболка и повраќање.
За да ја дознаете причината за овие симптоми, размислете што консумирало вашето дете пред неколку часа и дознајте дали уште некои друго дете или возрасен ја консумирал истата храна или пијалак. Но, имајте на ум дека детскиот организам е почувствителен и можеби реагирал поинаку од возрасен. Доколку се појавиле исти или слични симптоми кај лица кои консумирале иста храна, веројатно се работи за контаминиран оброк кој го предизвикал труењето.
Единствената сигурна разлика е времето на развој на симптомите. Во случај на труење со храна, симптомите се појавуваат во рок од неколку часа по изложувањето на инфекцијата, а во случај на стомачна или цревна вироза, потребни се 24 до 48 часа за да се појават првите симптоми. Исто така, времето за опоравување по труење со храна е многу побрзо, во рок од два до три дена, откако телото ќе се исчисти од токсините, а симптомите на стомачниот или цревниот вирус може да траат и до една недела.
