ТРУЕЊЕТО СО МЕЛАТОНИН КАЈ ДЕЦАТА ВО ПОРАСТ: Кои симптоми ја откриваат опасноста

Повеќето случаи се забележани кај деца над 5 години, но и кај помали.

Мелатонинот е хормон кој ги “смирува“ сит функции во организмот. Неговата главна улога е да му сигнализира на телото кој периодот од денот е (дали е евреме за спиење), со што го регулира внатрешниот часовник на организмот. Во последните десетина години забележан е огромен пораст во бројот на деца кои во организмот внеле мелатонин и се отруле – намерно или случајно. Се работи за 260.435 деца кои се отруле со мелатонин, а се работи за пораст од 530 проценти од 2012-2021 година, стои во извештајот на Здружението за контрола на труења на САД. Повеќето труења се случиле случајно кај деца над пет години или уште помали.

Мелатонинот е хормон што природно го произведува епифизата, мала жлезда со големина на грашок лоцирана во средината на мозокот. Освен што влијае на сонот, мелатонинот има и антиоксидантно дејство, а се користи и како докажана супстанца против стареење. Зголемувањето на нивото на мелатонин во крвта резултира со поспаност и на крајот заспивање. Како помош за спиење, се користи кај деца и возрасни и тоа како капсули, во течна форма или во форма на гумени бонбони. Во последните 4 години продажбата на мелатонин е зголемена за 150 проценти.

“Сите го користат, лесно се доаѓа до него и не е скап, а помага и при спиење. Како што расте потрошувачката на мелатонин кај населението, јасно е дека се повеќе луѓе го користат“, вели Натали Рајн, клинички токсиколог.

Иако децата често немале никакви симптоми и работата можела да се реши со домашна нега, околу 1,6 отсто од децата имале поголеми компликации; бил потребен респиратор, а две и починале. Овие податоци ја подигнаа свеста за внесот на мелатонин, а авторите на студијата велат дека за тоа треба да се разговара и да се преземат превентивни мерки за да се спречи проблемот.

СИМПТОМИ НА ТРУЕЊЕ СО МЕЛАТОНИН КАЈ ДЕЦАТА

Повеќето нема да имаат симптоми, но може да се појават гастроинтестинални и кардиоваскуларни проблеми. Педијатарот Даниел Ганџијан вели дека повеќето деца пријавуваат силна поспаност, а некои дури и повраќаат.

Од околу 3.555 деца кои искусиле и посериозни проблеми, две починале, а 5 биле на респиратор. Во посериозни ситуации, мелатонинот може да го забави дишењето и функцијата на белите дробови, а може да дојде и до промени во метаболизмот. Секако е потребно да се јавите кај лекар. Не постои лек за труење со мелатонин, но третманот може да вклучува респиратор, инфузија, испумпување на желуднико и слично.

ДАЛИ МЕЛАТОНИНОТ Е БЕЗБЕДЕН ЗА ДЕЦА?

Да, но тоа е во мали дози од 1-3 милиграми, а доколку мислите дека на вашето дете му е потребна поголема доза, секогаш мора да се договорите со матичниот педијатар и да ја следите состојбата. Експертите велат дека на пазарот има суплементи кои содржат и многу поголем процент од дозата за деца, па понекогаш капсулата содржи и до 80 пати повеќе мелатонин од она што е напишано на етикетата. Некои производи содржат и серотонин, што ќе ја зголеми токсичноста за децата.

Стручњаците за јавно здравје и педијатрите се особено загрижени за мелатонинот, кој доаѓа во форма на гумени бонбони кои се привлечни за децата кои не мора да сфатат дека тоа не е нешто што не треба да го јадат. Исто така, многумина сметаат дека тоа не е опасно, па на детето можат да му дадат поголеми количини од дозволените, објаснуваат педијатрите. Мелатонинот треба да се третира како и секој друг лек во домот, истакнува д-р Рајн. Сите таблети, вклучително и оние со мелатонин, треба да се чуваат подалеку од дофат на деца.