Разбирањето на структурата на ензимот може да им овозможи на истражувачите да развијат лекови – нови мали молекули што би спречиле nsp16 да направи какви било модификации
Научниците ја открија структурата на ензимот наречен nsp16, кој коронавирусот го користи за да го залаже имунолошкиот систем и да добие пристап до клетките на домаќинот, кои ги „киднапира“ за потоа да се размножи.
Разбирањето на начинот како делува nsp16 може да доведе до нови антивирусни лекови за пациентите со COVID-19 со инхибиција на ензимите кои му овозможуваат на вирусот да помине низ системот за безбедност на клетките.
Ензимот се користи за модифицирање на нешто што се нарекува „месинџер RNA cap“.
„Тоа е камуфлажа“, вели д-р Јогеш Гупта од Универзитетот во Тексас, главен автор на студијата, објавена во списанието „Nature Communications“.
„Поради модификациите, кои ја „лажат“ клетката, добиената вирусна RNA-порака се смета за дел од сопствениот код“, наведува Гупта.
Разбирањето на структурата на ензимот може да им овозможи на истражувачите да развијат лекови – нови мали молекули што би спречиле nsp16 да направи какви било модификации.
Имунолошкиот систем тогаш би го препознал инвазивниот вирус по тоа што е и би можел да го нападне.
„Трудот на Гупта ја откри 3Д структурата на клучниот ензим на коронавирус, потребен за негова репликација и во него пронајде џеб што може да биде насочен да го инхибира тој ензим“, изјави коавторот на студијата, професор Роберт Хромас. „Ова е битен напредок во нашето разбирање на вирусот“, додаде тој.
