ВАШЕТО МАЛЕЧКО СЕ ПЛАШИ ОД ДОКТОР? Можно е да го чувствува вашиот страв и нелагодност

Стравот од лекар кај децата е природен, а добрата подготовка може да ви го олесни одењето во амбуланта.

Пред се, сочувствувајте со детето и почитувајте го неговиот страв. Дете на возраст од 1 до 3 години сосема јасно може да го поврзе одењето на лекар со некои непријатни ситуации како што е вадење крв, вакцинирање или преглед. Иако децата на оваа возраст се свесни што се случува кај лекарот, се уште е тешко да им се објасни зошто е важно и добро за нив, па може да дојде до фрустрации. Реакцијата зависи и од карактерот на детето, но за решавање на стравот најважна е квалитетната подготовка за одење на доктор.

  • На децата секогаш кажете им ја вистината

Најдобар начин за намалување на стравот е навремена едукација на детето за посета на лекар. На пазарот се достапни голем број сликовници за искуства од посета на лекар. Читајте приказни за интересни лекари, гледајте цртани филмови и разговарајте за тоа што се случува на лекарскиот преглед. Оставете го детето да биде доктор на неговите кадифени играчки, па потоа низ игра водете го низ можните постапки во амбулантата.

Децата, како и возрасните, најмногу се плашат од непознатото. Колку е поблиска темата до нив, толку полесно ќе ги поднесат и непријатните третмани. Она што не смеете да го правите е да ги лажете децата дека ништо нема да ги боли или дека нема да примат инјекција, кога знаете дека ќе добијат. На овој начин го нарушувате односот на доверба со детето, што може дополнително да ја зголеми неговата вознемиреност секој следен пат бидејќи ќе знае дека не може да смета на вистината од вас.

Бидејќи ова е исклучителна и често стресна ситуација, при посетата на лекар, малку опуштете ги секојдневните правила за користење на екранот и ако детето сака да гледа некое видео, да слуша музика или да игра игра на вашиот мобилен телефон, дозволете му. Во чекалната можете да читате приказна или да играте игри со погодување, па дури и да цртате.

  • По прегледот, следи забава

Пружете му ја на детето сета можна поддршка и нежност за да го олесните ова искуство. Наместето го во добра положба, во договор со докторот, нека седне на вас или држете го за да ја почувствува вашата близина.

Обрнете внимание на вашата анксиозност што се јавува при посета на лекар. Можно е тоа да ви тригерира некои вашите стравови или дави создава страв за здравјето на сопственото дете. Обидете се да останете смирени бидејќи детето и тоа како да впива вашата енергија.

Договорете се, по посетата кај лекар, да одите на сладолед или да направите нешто забавно, во кое детето ќе ужива. Ова ќе му помогне да се фокусира на позитивното искуство што следи, а не толку на непријатноста и стравот.