Сосема е нормално за бебињата и малите деца да минуваат низ фази во кои имаат проблеми со спиењето, па ако сте забележале дека во последно време водите битка за спиење, можеби е време да побарате помош во храната.
Научно е докажано дека одредена храна влијае на тоа како спиеме, а тоа може да го искористите и кога се во прашање децата.
Чај од камилица
Камилицата е растение кое се користи најдолго од сите растенија за смирување и помагање при спиење. Пред спиење, сварете шолја чај од камилица за детето, засладете ја малку со шеќер или мед (ако детето е постаро од една година), оставете да се олади, па дајте му го на детето половина час пред спиење. Купувајте чаеви кои се наменети за деца.
Бананите се богати со хормони и минерали кои го стимулираат спиењето. На прво место тоа се мелатонин и серотонин кои помагаат да се смириме и го регулираат циклусот на спиење, а содржат и магнезиум кој на природен начин ги опушта мускулите
Триптофан
Триптофан е аминокиселина која предизвикува поспаност, а најмногу ја има во мисирката. Го има и во млекото, сирењето, оревите, јајцата и мешунките.
Вечерната ужина на вашето дете нека содржи некои од овие намирници и нема да имате проблеми со спиењето.
Повеќе јаглехидрати – помалку протеини
Ова е волшебна комбинација што ќе му помогне на вашето дете полесно да заспие и да не се буди во текот на ноќта. Оваа комбинација вклучува јаболка со путер од кикиритки, крекери од цели зрна и сирење, колачи со крем сирење или житарки и млеко.
Банани
Бананите се богати со хормони и минерали кои го стимулираат спиењето. На прво место тоа се мелатонин и серотонин кои помагаат да се смириме и го регулираат циклусот на спиење, а содржат и магнезиум кој на природен начин ги опушта мускулите.
