ВОВЕДУВАЊЕ ЦВРСТА ХРАНА КАЈ БЕБЕТО ПО МЕСЕЦИ: Што прво треба да му дадете да проба, а кога може леб, месо и црвено овошје

Научете во кој месец бебето треба да да проба одредена намирница.

Воведувањето на првите намирници од цврстата храна во бебешката исхрана е тешка задача за родителите. Доколку прв пат се среќавате со тоа, ќе биде уште потешко. Стравот од тоа што смеете и можете да му дадете на детето, а да не предизвика алергија или некои други проблеми секојдневно е присутен.

За премногу да не се грижите, ви претставуваме листа на намирници кои може да му се даваат на бебето според возраста, односно по месеци. Листата е започната од 5+ месеци, бидејќи голем број родители веќе тогаш се обидуваат со првите кашички, но она што е препорака на Светската здравствена организација е дека бебето треба исклучиво да го доите или храните со адаптирано млеко во првите 6 месеци од животот.

Првите кашички се изблендирани и без сол, разблажени со вода или млеко што го пие детето, а подоцна зеленчукот ќе го пасирате со вилушка, а потоа и ќе преминете на парченца. Секако, кога треба да преминете на кое ниво најдобро сами ќе процените, по способноста на вашето дете, бидејќи секое дете се разликува.

ЛИСТА НА НАМИРНИЦИ КОИ МОЖЕТЕ ДА ГИ ВОВЕДУВАТЕ ПО МЕСЕЦИ:

5+ МЕСЕЦИ: Пченкарно брашно, ориз, морков, јаболко, компир

6+ МЕСЕЦИ: Круша, банана, кајсија, праска, авокадо, тиквички, карфиол, брокула, блитва, спанаќ, интегрален ориз, просо, киноа, маслиново масло, пилешко, бујон од месо, тиква, сладок компир.

7+ МЕСЕЦИ: Слива, овес, елда, амарант, спелта, пченица, кисело млеко, мисиркино, жолчка од јајце, целер, пашканат, кромид (се става само за вкус, се вади после готвење), путер, јунешко месо, свежи урми, сушено овошје.

8+ МЕСЕЦИ: Јачмен, ‘рж, леб, праз, коприва, телешко месо, темно месо од живина, павлака, павлака.

9+ МЕСЕЦИ: Грав, грашок, боранија, леќа, печени пиперки, модар патлиџан, келераба, говедско месо, младо сирење.

10+ МЕСЕЦИ: Кељ, прокељ, зелка, смоква, дуња, свежо овошје.

11+ МЕСЕЦИ: Тестенини, краставица, пиперка, домат, тврдо сирење.

12 МЕСЕЦИ: Свинско, јагнешко, риба, грозје, диња, лубеница, цреши, јагоди, малини, капини, боровинки, рибизли, дренка, брусница, вишни, кромид, цвекло, семки од тиква, сусам, сончоглед, мелен лен, наут.

12+ МЕСЕЦИ: Портокал, лимон, мандарина, грејпфрут, ананас, киви, добро мелен орев, бадем и лешник – од 3-годишна возраст може цели, костен, белка, лук, печурки, конзервирана риба, сол, мед, какао, мушмула.