Менструацијата може да влијае на доењето исто како што доењето може да влијае на менструацијата. Некои мајки забележуваат намалување на производството на млеко по враќањето на менструацијата, додека кај други ништо не се менува. Добро е што тоа е привремена ситуација и нема потреба од паника.
Знаци дека доаѓа менструацијата
Кога мајката по породувањето ќе добие менструација, зависи од нивото на прогестерон во телото. Ако прогестеронот е низок, менструацијата најверојатно ќе се врати порано.
Некои од знаците дека доаѓа менструацијата по породувањето се следните; вашето бебе спие повеќе од четири часа на ден, а повеќе од шест часа навечер. Комбинирате доење и адаптирано млеко, или генерално го храните вашето дете поретко во текот на денот и подоите ви траат пократко. Уште еден знак е дека бебето полека прифаќа цврста храна.
Некои жени ќе почувствуваат чувствителност на брадавиците за време на овулацијата, а некои ќе забележат дека залихите на млеко се намалуваат со доаѓањето на менструацијата.
Привремена промена
Наглиот пад на заалихите млеко е привремена појава кога ќе се врати менструацијата, а тоа може да го почувствувате и до неколку дена пред крварењето. Кога ќе дојде менструацијата, млекото повторно ќе почне да се создава во поголеми количини, бидејќи хормоните ќе се стабилизираат.
Доколку почувствувате дека имате недоволно млеко, зголемете го консумирањето на чаеви кои поттикнуваат лактација и погрижете се вашата исхрана да содржи доволно храна богата со железо како црвено месо, пилешко и зелен лиснат зеленчук. Погрижете се да одржувате дневна хидрираност и да вклучите поголема количина на супи и компоти во вашето мени. Ако забележите дека вашите залихи на млеко се толку мали што детето не добива доволно во текот на денот, контактирајте со вашиот лекар за да разговарате за евентуалните дополни.
Доењето често го одложува враќањето на менструацијата, особено ако го доите вашето бебе и дење и ноќе и ако сè уште не сте почнале со дохрана.
