Сите сакаме нашите деца да бидат здрави и да бидат заштитени од сите болести. За да можеме да ги заштитиме од вируси и бактерии, важно е да имаат силен имунитет. За тоа се најважни животните навики кои тие ги имаат од најраното детство.
Ова се некои основни совети кои ќе го засилат имунитетот на детето генерално, а не само во даден момент.
- Доењето е клучно за бебето
Секако, постојат мајки кои не можат да дојат, па млечната формула е многу здрава и корисна за бебето. Не треба поради тоа да чувствуваат вина. Сепак, доењето има неверојатни придобивки, го штити бебето од разни болести и му го јакне имунитетот. Мајчиното млеко се смета за најздрава напивка за детето.
- Редовно и правилно миење на рацете
Речиси 80 проценти од инфекциите се пренесуваат со допир. Научете го детето правилно да ги мие рацете по кивање, кашлање, користење тоалет. Топлата вода и сапун се неопходни за миење кое трае најмалку 20 секунди. На овој начин ќе се елиминират сите вируси и бактерии ии ќе се намали моноста за инфекција со вируси.
- Не ја прескокнувајте имунизацијата
Педијатрите советуваат да се држите до календарот за имунизација и да го слушате вашиот лекар. Вакцините ќе спречат ширење на разни заразни болести и опасни вируси.
Квалитетниот сон е задолжителен
Една од најважните работи за имунитетот е редовниот и квалитетн сон. Тоа значи дека детето секој ноќ треба да спие доволно часови:
♥ Бебиња до 3 месеци треба да спијат од 14 до 17 часа.
♥ Бебиња од 4 до 12 месеци треба да спијат од 12 до 16 часа
♥ Деца од 1 до 2 години треба да спијат од 11 до 14 часа
♥ Деца од 3 до 5 години треба да спијат од 10 до 13 часа
♥ Деца од 6 до 12 години треба да спијат од 9 до 12 часа
♥ Тинејџери од 13 до 18 години треба да спијат од 8 до 10 часа
Ако детето не спие доволно, телото има ограничена способност да произведува протеини цитокини, кои се борат против инфекции и спречуваат болести.
- Здравата исхрана е императив!
Постојано се зборува за правилна и здрава исхрана, но таа навистина игра голема улога. Лекарите сугерираат дека чинијата секогаш треба да биде шарена и да изобилува со зеленчук и овошје. Обидете се да ја намалите употребата на преработена храна. Со секој оброк сервирајте многу салата со секој оброк за да го зајакнете имунитетот на целото семејство.
