Како што наближува вечерта, сите родители имаат само една желба – детето што побрзо да заспие и да спие што е можно подобро. Особено кога ќе се сетиме дека нè чека „нашето време“, кое сакаме да го искористиме како што ќе ни падне напамет, дури и гледајќи телевизија. Секако, можеме вака да се пошегуваме на таа сметка, никој нема да се налути, а сите знаеме дека вистината без разлика на шегата, сепак е тука некаде. Сите сакаме нашите деца да одат на време да спијат и тој нивен сон да биде квалитетен.
Клучот за ова можеби лежи во – вечерата, односно храната што ја консумираме пред спиење. Иако некои луѓе мислат дека овошјето не е најдобриот избор за вечера, се чини дека пости овошје кои делуваат токму на подобриот и поквалитетен сон. Советите за избор на овошје ги споделува експертот за спиење Макс Кирстен.
Еве што треба да им се понуди на децата за подобар сон.
Банани
Иако оправдано се смета дека бананата дава енергија, па спортистите ја консумираат во клучните моменти кога им е потребна енергија, бананата има и друга улога. Кога се консумира пред спиење, може да делува слично како мелатонин и да им помогне на луѓето да спијат добро. Бананите се овошје со високо ниво на магнезиум и калиум, кои можат да ги релаксираат мускулите, како и триптофан, кој се претвора во серотонин во телото и може да помогне во смирување на мозокот.
Ананас
Ананасот содржи мелатонин, витамин Ц, магнезиум и растителни влакна, а сето тоа може да помогне во регулирањето на циклусот на спиење и будност. Исто така, содржи бромелаин, кој помага во опуштање на мускулите поради неговите антиинфламаторни својства и може да го олесни спиењето.
Киви
Кивито е преполно со витамин Ц и го поттикнува производството на повеќе серотонин. Витаминот Ц и повисоките нивоа на серотонин ќе поттикнат опуштање и се совршен оброк пред спиење. Многу деца не сакаат да го консумираат поради почетниот непријатен вкус, но ако им се допаѓа – нека повелат!
Портокали
И кај портокалите, главна улога игра витаминот Ц. Освен тоа, природните шеќери во ова вкусно овошје можат да му дадат на телото и умот краткорочен поттик непосредно пред спиење, за да бидат поподготвени за опуштање. На пример, нешто како скокање по креветите пред да заспијат.
Јаболка
Влакната и природните шеќери во јаболката можат да помогнат да се спречи несоница – или она кога децата одбиваат да одат во кревет… Но, тие исто така можат да помогнат да се стабилизира нивото на шеќер во крвта и да се подобри целокупното расположение на една личност.
