Заблуди за пролетното сонце

Сончевото зрачење содржи УВ (ултравиолетови) зраци, кои се опасни во текот на целата година. Факт е дека во лето, состојбата е најлоша, но и сами сме сведоци дека сонцето “пече“ и овие денови. Затоа децата треба да се заштитат од сонцето и пред, и по летото.

Зимата помина, а пролетта се повеќе наликува на лето. Стручњаците, во делот за заштитата од сонце, потенцираат дека не е точно дека пролетното сонце е целосно безопасно и дека до пред месец јули нема причина за заштита. Сончевото зрачење содржи УВ (ултравиолетови) зраци, кои се опасни во текот на целата година. Факт е дека во лето, состојбата е најлоша, но и сами сме сведоци дека сонцето “пече“ и овие денови. Затоа децата треба да се заштитат од сонцето и пред, и по летото.


Попладневното сонце е благо – до два часот попладне нема потреба децата да се тргаат од сонцето

ЦЕЛОСНО ПОГРЕШНО!

Веќе по 10 часот претпладне, УВ зраците опасно напаѓаат! Затоа децата треба да се заштитат од сонцето од 10 до 17 часот, а летно време и до 18 часот. Иако е пролет, треба да се избегнува подолг престој на сонце во периодот од 13 до 16 часот.


Нема потреба децата да се мачкаат со заштитни креми, доволно е адекватно да се облечат

НЕТОЧНО!

Пролетното сонце е јако. На децата им е топло, па ако ги претоплите (долги ракави), ќе се соблечат и ќе бидат изложени на УВ зраци. Затоа, задолжително намачкајте ги децата со заштитна крема опред изложување на сонце. Користете креми со заштитен фактор кој не е помал од 25, а како наближува летото, факторот мора да биде поголем.


Јас имам доста пигмент, брзо поцрнувам. И моето дете е како мене – нема потреба за заштита од сонце

НЕ Е БАШ ТАКА!

Факт е дека лицата со потемен пигмент на кожата имаат “поголема отпорност на сонце“, благодарение на меланинот (кожен пигмент(, но тоа не е целосна заштита. Затоа, децата со светол тен полесно горат на сонце. Сепак, УВ зрачењето ја оштетува и темната кожа, па заштитната крема е задолжителна и кај овие деца.

Од капата децата ќе се “сварат“ и ќе се потат – се уште е рано главата да се штити со капа

ПОГРЕШНО!

Каде е сонцето, тука оди и капата. Бирајте светли бои (најдобро е бела), оти потемните влечат сончева топлина и непотребно ја подигаат температурата на детската глава. Ставете му на детето капа пред излегување, а тоа нема ни да забележи дека има нешто на главата.


На планина, пролетното сонце е слабо и детето е безбедно

НЕ Е ТОЧНО!

Планинското сонце е поопасно, оти воздухот е поредок, па и УВ зрачењето е посилно. На планина е посвежо и попријатно. Со самото тоа се стекнува впечаток дека и сонцето е послабо. Затоа, на планина лесно се “гори“, па заштитата од сонце е апсолутно потребна.


Наочарите за сонце не се за деца – ќе им го расипат видот

НЕТОЧНО!

Очите патат на силното сонце, а особено е опасно директното гледање во сонце (што некои деца сакаат да го прават). Квалитетените заштитни наочари се ефикасни за децата, и не треба да се избегнуваат.