Во повеќето случаи, нередовната столица повеќе ги загрижува родителите, отколку детето дури и ако тоа навистина има запек. Прочитајте кој е нормалниот број на столици кај доенчињата, а колку кај оние хранети со млечна формула, како и кај децата до и над тригодишна возраст.
Американското здружение по семејна медицина, ја дефинирало опстипацијата, односно запекот како одложено или отежнато празнење на цревата во траење од две до три недели, што доведува до загриженост кај родителите. Во повеќето случаи, оваа ситуација повеќе ги загрижува родителите, отколку детето кое има опстипација.
Ова е табела на нормален број столици во текот на денот и седмицата, за одредена возраст на детето:
| ВОЗРАСТ | Број на столици во текот на неделата | Просечен број на столици во текот на денот |
| 0 – 6 месеци, дете кое цица | 5 до 40 | 2,9 |
| 0 – 6 месеци, дете кое се храни со вештачка храна | 5 – 28 | 2,0 |
| 6 – 12 месеци | 5 – 28 | 1,8 |
| 1 – 3 години | 4 до 21 | 1,4 |
| Над 3 години | 3 – 14 | 1 |
Во третирањето на опстипацијата, потребна е промена на исхраната. Потребно е да се исфрли чоколадо, да се даваат што помалку банани, ориз и морков, а повеќе овошје, компот од суви сливи или сливи, и храна богата со влакна. Потребно е да се внесуваат и доволно течности.
