Заштитните маски се користат како би се спречило да капките од околината, преку кои се шири коронавирусот, доспеат во нашиот респираторен систем. Може да се најдат хируршки маски од ткаенина, кои се носат преку устата и носот, но и оние кои подобро се “лепат“ на лицето, кои се нарекуваат и респиратори N95.
Маска треба да се носи ако кашлате или кивате, се со цел вашите капки да не дојдат во околината и на останатите луѓе.
Децата би требало да носат маски ако кашлаат или ако киваат, или доколку имунитетот им е компромитиран. Не им ставајте маски за возрасни, оти се преголеми, и нема добро да ги покријат устата и носот.
Со малите деца е особено проблем да се натераат да ја задржат маската на лицето, да не ја извадат или да не ја допираат со раце кои претходно не ги измиле. Од тие причини, најбезбедно е детето да не се носи онаму каде друго лице може и мора да му пријде на растојание помало од два метри, како и да водите сметка детето редовно да ги мие рацете.
