Големи се шансите детето да ја наследи бојата на очите од родителите, но тоа не е правило, објаснуваат експертите.
„Кога ќе се родат бебињата, особено оние со светол тен, тие имаат светла боја на очите поради малата количина на меланин во нивните очи. Меланинот е пигмент кој им дава боја на очите, кожата и косата. Количината на меланин во ирисот, обоениот дел од окото, одредува каква боја ќе бидат очите на човекот“, објаснува детскиот офталмолог од детската клиника Стенфорд во Калифорнија, Даглас Фредрик.
Постојат повеќе гени во нашето тело кои придонесуваат за бојата на очите. Дури и ако двајцата родители имаат кафеави очи, можно е бебето на крајот да има сини очи ако родителите имаат гени за сини очи некаде во генетската конституција, односно ако имаат мутиран ген кој може да се пренесе преку серија на генерации како рецесивен
Детето може да се роди со сини очи бидејќи очите понекогаш не произведуваат доволно или воопшто не произведуваат меланин додека бебето е во утробата. Меѓутоа, по раѓањето, светлината го стимулира производството на меланин, поради што бојата може да се менува со текот на времето.
„Бојата на пигментот не предизвикува промена. Не постои син, сив, зелен или кафеав пигмент во окото“, нагласува офталмологот и додава дека единствениот пигмент што го имаме во очите е всушност кафеавиот, а количината на тој пигмент одредува дали нечии очи ќе бидат посветли или потемни.
Еден родител со кафеави очи и друг родител со кафеави очи треба да имаат бебе со кафеави очи, зарем не? Да, но не секогаш.
Постојат повеќе гени во нашето тело кои придонесуваат за бојата на очите. Дури и ако двајцата родители имаат кафеави очи, можно е бебето на крајот да има сини очи ако родителите имаат гени за сини очи некаде во генетската конституција, односно ако имаат мутиран ген кој може да се пренесе преку серија на генерации како рецесивен.
Бојата на очите на бебето ќе се промени без никакво влијание врз видот или какви било други проблеми со очите. Но, ако бојата на очите се промени само на едното око или ако забележите дека очите на вашето бебе се заматени, задолжително посетете педијатар или педијатриски офталмолог
Промената на бојата на очите е постепена
Експертите велат дека најголемата промена најверојатно се случува во периодот од шестиот до деветтиот месец од животот. Во текот на неколку недели или месеци, може да забележите како бојата на очите на вашето бебе станува потемна.
„Промената е толку постепена што можеби нема ни да ја забележите додека еден ден вашето дете не се разбуди со поинаква боја на очите“, објаснува офталмологот.
До 12 месеци, повеќето бебиња ја имаат својата трајна боја на очите, иако д-р Фредрик вели дека бојата на очите кај некои деца може да се менува се до 6. година. Сепак, ваквите случаи се ретки и промената не се случува преку ноќ.
„Во секој случај, бојата на очите на бебето ќе се промени без никакво влијание врз видот или какви било други проблеми со очите. Но, ако бојата на очите се промени само на едното око или ако забележите дека очите на вашето бебе се заматени, задолжително посетете педијатар или педијатриски офталмолог“, вели д-р Фредрик.
