6 работи кои жените не сакаат да признаат дека ги правеле во бременоста

Која навика сте ја криеле за време на бременоста? Ви претставуваме шест работи кои жените ги прават, но никому не сакаат да ги признаат бидејќи се плашат од осуда.

Која навика сте ја криеле за време на бременоста? Ви претставуваме шест работи кои жените ги прават, но никому не сакаат да ги признаат бидејќи се плашат од осуда.

  • Сте заспале на работното место

Тешко спиете во текот на ноќта, но штом ќе стигнете на работа се чувствувате целосно исцрпени. Сме слушнале дека трудниците понекогаш задремуваат во текот на работно време. Можеби и вам ви се случило ова – во ред е, обвинете ја бременоста.

  • Сте јаделе храна за која лекарот ви рекол дека е забранета 

Зошто сета таа вкусна храна е забранета за време на бременоста? Некои трудници навистина тешко “преживуваат“ без неколку шолји кафе или нивниот омилен сендвич со пршута. А сите овие се намирници без кои треба да издржите во текот на бременоста. Сувомесните производи во себе носат листерија, доколку не се пастеризирани, што може да предизвика спонтан абортус и предвремени трудови болки. Суровата риба може да носи паразити и високо ниво на жива. Кофеинот може да предизвика почесто мокрење, што може да го намали нивото на течности и калциум во вашето тело. Покрај тоа, кофеинот може да влијае на спиењето на бебето во стомакот и да го направи немирно додека минува низ постелката.

  • Сте имале зголемен сексуален нагон 

На многу жени им се случува да “полудат“ за сексуален однос во текот на бременоста (има и такви кај кои е сосема спротивното). За овој дел одговорни се хормоните. Уживајте додека трае ( и додека лекарот ви вели дека е безбедно), бидејќи по породувањето можеби веќе нема да биде така.

  • Несреќна сте поради полот на детето

Знаеме дека на сите сте им велеле дека не ви е важен полот на детето. Меѓутоа, знаеме и дека некои од вас биле скршени кога го дознале полот на детето. Во ред е ако сте се чувствувале вознемирено, а важно е тоа да го исфрлите од себе. Сигурно сте биле многу среќни кога се поминало и сте го запознале него или неа.

  • Сте пиеле алкохол

Обично се вели дека алкохолот не е дозволен за време на бременоста, но знаеме дека трудниците понекогаш си дозволуваат голтка пиво или вино. Иако сте убедени дека една пијачка овде-онде нема да предизвика никакви последици, би било добро да бидете многу внимателни. Повеќето експерти и понатаму предупредуваат за штетноста на алкохолот, без оглед за која количина или за кој алкохол се работи. Иако 38 до 42 недели може да звучат како долго време, попаметно е да се држите до предупредувањата на лекарите и експертите без оглед на истражувањата.

  • Сте пушеле 

Тешко е да се откаже од некои навики. Некои жени мислат дека префрлувањето на послаби цигари можеби е побезбеден избор, а некои понекогаш палат цигара. Но, всушност воопшто не треба да пушите бидејќи тоа е штетно за вашето бебе и за вас. Проблемот е често во тоа што на жените тешко им паѓа одвикнувањето. Ако жената пуши за време на бременоста, веројатноста дека ќе роди дете со помала родилна тежина е околу 25 проценти, а пушењето за време на бременоста придонесува со 10 проценти во вкупната смртност на новороденчињата.