Царскиот рез е хируршки зафат за бремената жена да се породи низ рез направен на стомакот. Опоравувањето од царски рез е подолго и потешко од вагиналното породување, па многу жени одбираат да се породат по природен пат отколку со хируршка интервенција. Иако непланираниот царски ред се уште се смета за итен, не се нарекува така, освен ако бебето и мајката се во неволја и ако животите им се опасност.
Ова се осум ситуации кога лекарите се одлучуваат за царски рез
- Возраст на мајката
Колку е повозрасна мајката, поголема е веројатноста дека ќе треба да и се направи царски рез. Студија покажала дека, иако царскиот рез е потребен кај помалку од 3% од жените помлади од 20 години, тој ризик се зголемува на 9,2% кога возраста на мајката е над 40 години.
Во случај на геријатриска бременост, во повеќето случаи, лекарот однапред планира царски рез. Дури и тоа да не е случај, мајката веројатно ќе бара итен царски рез бидејќи повозрасните бремености носат поголем ризик.
- Абрупција на плацентата
Ова се случува кога постелката се одвојува од внатрешниот ѕид на матката. Оваа компликација може да биде фатална и за мајката и за бебето. Абрупцијата на постелката може да го наруши снабдувањето на бебето со кислород и хранливи материи, предизвикувајќи тешко крварење кај мајката, поради што оваа компликација обично завршува со итен царски рез.
- Ментално здравје
Постојат истражувања кои ја поврзуваат потребата од царски рез со менталното здравје на мајката. Една студија објавена минатата година покажала дека жените со анксиозност и депресија имаат поголема веројатност да бараат царски рез. Но, врската не е целосно докажана.
- Страв од породување – токофобија
Токофобија е збор што се користи за да се именува патолошкиот страв од бременост и породување. Ако страдате од оваа фобија, поголема е веројатноста дека ќе ви треба царски рез. Студија објавена во 2019 година покажала дека единствениот статистички значаен предиктор за итен царски рез е стравот од породување. Колку е поголем стравот, толку е поголем ризикот.
- Прекумерна телесна тежина
Истражување утврдило дека прекумерната телесна тежина ќе ја зголеми веројатноста за потреба од царски рез, било во тек на итен случај или не.
- Крварење на мајката
Крварење кај мајката се смета кога жената ќе доживее обилно крварење во текот на породувањето. Тоа може да биде предизвикано од различни фактори вклучувајќи инфекција, прееклампсија, продолжено породување или абрупција на постелката. Во такви случаи важно е бебето да се извади што е можно побрзо за лекарот да може да се фокусира на стопирање на крварењето.
- Големо бебе
Ако бебето е невообичаено големо, тоа може да го отежни вагиналното породување. Едно истражување покажало дека бебињата со голема родилна тежина и голем обем на главата веројатно ќе бараат итен царски рез во текот на породувањето.
- Руптура на матката
Ова е сериозна дијагноза која може да се случи при вагинално породување. Може да предизвика тешко крварење кај мајката и да го задуши бебето. Почеста е кај жените кои имале царски рез за време на претходната бременост. За да се спречи задушување, лекарите мора итно да го отстранат бебето и да направат итен царски рез.
