Биполарното растројство кај децата и тинејџерите е значително поразлично од она кај возрасните. Според Клиниката Кливленд, возрасните со биполарно нарушување често имаат поочигледни епизоди на манија или депресија кои траат една недела или подолго. Кај децата и тинејџерите, тие фази може да бидат посуптилни, а промените од една епизода во друга може да се случат побрзо. На пример, детето може да покажува периоди на неизмерна среќа, изливи на бес и неиспровоцирано плачење во еден ден, објаснуваат психолозите.
Биполарното растројство се разликува од типичните промени во расположението и подеми и падови низ кои поминува секое дете. Промените на расположението кај биполарното пореметување се поекстремни, често неиспровоцирани и вклучуваат:
- промени во моделите на спиење,
- промени во нивото на енергија,
- проблеми со концентрацијата и способноста за јасно размислување.
Исто така, симптомите на биполарно растројство може да му го отежнат на детето успехот на училиште или согласувањето со пријателите и членовите на семејството. Некои деца и тинејџери со биполарно пореметување може да се обидат да се повредат или да се обидат да извршат самоубиство, поради што е неопходно навреме да се препознаат симптомите.
