Вашето бебе сега веќе е во фаза на терминот за породување. Клинички е целосно зрело и се подготвува за живот надвор од стомакот. Доколку мора да одите на царски рез, вашиот лекар ќе ви го закаже, но пред 39. недела, освен ако не постојат здравствени причини за порана интервенција.
Бебето е тешко од 2700 до 2950 грама, а долго околу 48 сантиметри.
И натаму добива на тежина – сега околу 14 грама дневно. Момчињата растат побрзо од девојчињата, и главно се потешки на породувањето. Многу бебиња се раѓаат со коса, која е долга од 1-3 сантиметри. Не се изненадувајте ако бојата на косата не е иста како вашата.
Се завршува периодот на можно предвремено породување. Секој ден можете да очекувате да почнат трудови болки. Оваа недела лекарот ќе ви направи карличен преглед за да утврди дали грлото на матката е отворено и омекнато. Ќе ја утврди и точната положба на бебето. Доколку бебето не ја завземало положбата со главата надоле, можеби ќе се обиде со притисок на вашиот стомак да ја сврти со рацете.
