БРЗ ЛЕТЕН РУЧЕК: Мусака од тиквици и модар патлиџан

Овој ручек се подготвува многу едноставно, а е многу вкусен и здрав. Сочното јадење ќе ги воодушеви сите во семејството!

Потребно:

  • 350гр тиквици
  • 300гр модар патлиџан
  • 300гр домати
  • 600гр моцарела
  • 500мл павлака за готвење
  • 1 жолчка

Подготовка: Тиквичките и модриот исечете ги по должина на кришки со дебелина од 1цм. Посолете ги и пропржее ги од двете страни и ставете ги на хартиена салвета да го впијат маслото. Доматите исечете и на кругови и оставете ги да се исцедат. Моцарелата крупно изрендајте ја, а павлаката и жолчката убаво измешајте ги. Во намастено тавче за печење, наизменично редете тиквици, моцарела, модар, и на крајот одозгора ставете го доматот. Прелијте со павлаката и жолчката и печете во рерна на 180 степени, 45-50 минути.