♦♦♦♦♦♦♦
Американскиот центар за контрола и превенција на болести (CDC) ги ажурираше своите упатства за тоа кога луѓето со KОВИД-19 можат безбедно да се гледаат со други лица.
Според новите препораки, на пациентите им е дозволено да се сретнат со други лица, откако поминале најмалку три дена без треска. Покрај тоа, нивните симптоми треба да бележат подобрување и треба да поминат најмалку 10 дена, откако за прв пат ги забележале симптомите.
Ажурираните упатства доаѓаат во момент откога државите почнаа повторно да ги отвораат своите економии и луѓето почнуваат да размислуваат за враќање на работа и на училиште.
„Луѓето кои имаат состојби кои го ослабуваат нивниот имунолошки систем можеби ќе треба да останат дома подолго од 10 дена“, соопштија од федералната здравствена агенција.
Ако сте изложени на некој кој има потврден случај на вирусот, тогаш мора да останете дома најмалку 14 дена за да видите дали ќе се развијат симптоми.
Сепак, немањето симптоми или негативниот тест не е замена за практиките, како што се социјално дистанцирање и добра хигиена на рацете
„Во зависност од советите на вашиот лекар и достапноста на тестирање, можеби ќе бидете тестирани за да видите дали сè уште имате COVID-19“, напиша CDC.
„Можете да бидете околу други лица ако немате треска, ако симптомите се подобриле и сте добиле два негативни резултати од тестот по ред, во временски период од најмалку 24 часа“.
Сепак, немањето симптоми или негативниот тест не е замена за практиките, како што се социјално дистанцирање и добра хигиена на рацете.
„Ограничете ги допирањата на површини кои често се допираат, како што се киосците, дигиталните интерфејси како што се екрани на допир и скенери за отпечатоци, машините за билети, држачи, површините во тоалетите, копчињата за лифт и клупите колку што е можно повеќе“, напиша CDC.
„Ако мора да ги допрете овие површини, што е можно поскоро измијте ги рацете 20 секунди со сапун и вода или протријте ги рацете со средство за дезинфекција што содржи 60% алкохол“, се додава во истиот.
Агенцијата, исто така, советува употреба на бесконтактно плаќање и канти за отпадоци со педали за нозе секогаш кога е тоа можно. Ако користите такси или делите превоз со некого, CDC препорачува отворање на прозорците за подобрување на циркулацијата на воздухот во возилото.
Ако користите јавен превоз, CDC советува да се возите надвор од пикот, да држите дистанца од 2 метра и често да ги миете рацете. (Дејли мејл)
