Рутините се многу важни за бебето. Бебињата се создадени за навики и тоа е добро. Предвидливата рутина им олеснува на сите и помага да се формира посилна врска помеѓу родителот и детето. Бебињата развиваат чувство на сигурност и доверба кога имаат усталени навики. Ваквите чувства на љубов и навика ќе останат изразени кај вашето дете долги низ години.
ХРАНА – Зошто точниот распоред на оброците е толку важен?
Вашето дете минува многу време во оброци – ако се придржувате на регуларната рутина, докажано е дека бебето ќе биде посреќно и поопуштени, а ако доите млекото ќе биде похранливо. Штом видете дека вашето дете е гладно, нахранете го. Ако тоа лесно се вознемири, хранете го во просторија со помалку светло, не гледајте телевизија, не одговарајте на мејлови, бидејќи ако тоа го правите дека го храните, му испраќате порака дека не е доволно важно за вас.
Не се нервирајте ако детето бара да јаде на секои три часа. Рутината не е исто што и распоредот. Повеќето стручњаци, меѓу кои е и Американската асоцијација на педијатри се согласуваат дека е исправно бебето да се храни кога е гладно, особено во текот на првите недели додека текот на доењето и хранењето не се воспостават како навика.
ИГРА – фокусирајте се на забава, оти и на многу малите бебиња им е неопходна ига во текот на денот. Тие се навистина како мали сунѓерки и тоа се моменти кога најмногу осознаваат за својата околина, ги истражуваат прстињата, игрите, гардеробата… Подоцна, децата ќе бидат многу посигурни во учењето, доколку играта во текот на нивното најрано детство била секојдневие.
Три начини да го стимулирате бебето – читајте му, покажувајте му нови играчки и оставете да си ига на подот. Не користете го ова време за чистење на домот и зборување на телефон, бидете присутни за своето дете. Не паничете ако вниманието на детето е кусо – тоа е нормално. Пет до 10 минути игра за тукушто родено бебе е многу. Тие се многу чувствителни на бои, звуци и светлина. Ќе почнат да превртуваат со очињата и да изгледаат незаинетерсирано кога ќе им е доста забава.
КАПЕЊЕ – ова може за бебето да претставува освежувачко утринско будење или убава подготовка за одмор, зависно од тоа дали капењето го стимулира или опушта вашето бебе. Темпераментот на бебето и вашиот личен распоред ќе го одреди времето на капење.
Не се нервирајте ако на почетокот капењето не му се допаѓа на бебето. Соблекувањето и водата може а бидат стресни за него. Ако увидите дека навистина не му годи, капете го со топол сунѓер неколку дена. Имајте на ум дека штотуку родените деца не треба да се капат секој ден.
СПИЕЊЕ – сместувањето на детето во кревет е можеби најважната дневна рутина. Бебето ќе има подобар сон, ако го легнувате во кревет во исто време, Најдобро е тоа да биде помеѓу 19 и 20 часот. Ако го преморите бебето во текот на денот, ќе има и поголеми проблеми при успивањето. Препознајте ги знаците на замор навреме: суштени капаци, трлање на очињата, плачливост и зевање. Еден час пред спиење започнете со рутината, а таа може да вклучува капење, масажа, приспивна песна, читање книга. Потрудете се пред спиење да му читате со смирен глас.
