Како што известува Си-ен-ен, на малиот Дом Андраде само неколку месеци по раѓањето му била дијагностицирана зараза со новиот коронавирус во болница во Рио де Жанеиро. Бебето поминало 54 дена во болница, од кои 32 дена било во ндуцирана кома, и приклучено на респиратор.
“Имаше потешкотии со дишењето, па лекарите мислеа дека има бактериска инфекција. Со оглед дека лековите не делуваат, состојбата му се влоши, па одлучивме да го однесеме во друга болница каде му беше откриено дека е заразено со коронавирус“, вели таткото на бебето, Вагнер Андраде.
Се уште е нејасно како бебето се заразило, но таткото смета дека можеби бил изложено на вирусот за време на посета на нивен роднина во домот.
“Сопругата забележа дека Дом гласно диши. Повикавме неколку лекари и го днимивме дишењето на бебето, по што лекарка ни препорача Дом веднаш да го донесеме во болница“, вели Вагнер, кој со сопругата Вивиан Монтеиро сметаат дека неговото опоравување е чудо.
Во Бразил досега се евидентирани најмалку 25 смртни случаи од коронавирус меѓу бебиња до 12 месечна возраст. Јужна Америка оваа недела стана епицентар на глобалната епидемија со вкупно заразени над 470.000 лица, и речиси 30.000 починати.
