♦♦♦♦♦♦♦
Со зборовите „Andra tutto bene“ или „Сè ќе биде добро“ испишани на пелената, новороденче во Италија стана симбол на надежта во земјата, којашто е најтешко погодена од пандемијата на коронавирус после Кина.
Фотографијата од новороденчето на социјалните мрежи ја сподели болницата Нигуарда во Милано на 16 март и оттогаш е вирален хит. Вработените од болницата ја опишаа фотографијата како доказ дека „животот не запира во тешките времиња“.
-
„Животот е посилен од сè!” напишаа вработените од италијанската болница. „Добредојде на сите бебиња што се раѓаат во овие тешки денови … Вие сте доказ дека животот не запира!“
Фотографијата го прикажува новороденчето во неговото болничко креветче, со пелена илустрирана со виножито и зборовите „Andra tutto bene“.
