Вакцината на „Модерна“ го привлече вниманието на Светската здравствена организација (СЗО), која одлучи да даде препорака бремените жени да не се вакцинираат со оваа вакцина против COVID-19 поради недостаток на научни податоци за нејзината безбедност за оваа ризична група.
Во соопштението на СЗО се вели дека вакцината COVID-19 на „Модерна“ не се препорачува за бремени жени и лица со тешки алергиски реакции. Во СЗО се свесни за ризикот кој инфекцијата со новиот коронавирус го носи за бремените жени за време на пандемијата, но тие се апсолутно одлучни во препораката да не се вакцинираат бремените жени со оваа вакцина.
Единствен исклучок се здравствените работници или бремените жени со медицинска состојба која ги става во високоризична група на пациенти во COVID-19 болниците, велат експертите од СЗО.
Препораката е дадена поради фактот што сè уште недостасуваат податоци кои се потребни за увид во безбедноста на бремените жени при примањето на вакцината на „Модерна“
Кети О’Брајан, директорка за имунизација во Стратешката советодавна група на експерти за имунизација (САГЕ), објаснува дека препораката е дадена поради фактот што сè уште недостасуваат податоците кои се потребни за увид во безбедноста на бремените жени при земањето на вакцината на „Модерна“. Со други зборови, О’Брајан вели дека се потребни клинички испитувања на вакцината кај бремени жени.
Во меѓувреме, „Модерна“ ги доставува сите податоци како дел од апликацијата за ставање на списокот за итна употреба на СЗО.
Здравствените експерти препорачуваат вакцината на „Модерна“ да се зема во две дози со интервал од 28 дена, но овој интервал помеѓу дозите може да се продолжи и до 42 дена. (International Business Times)
