Новороденчињата испуштаат разни видови смешни звуци додека дишат, а особено кога спијат, па затоа е сосема нормално вашето бебе да ‘рчи. Причината е што бебињата имаат мали, тесни носови и дишни патишта кои се полни со слуз и секрет, па дури и со млеко. И додека воздухот минува низ овие секрети, тој ќе произведува звуци на ‘рчење.
Исто така, бебињата порадо дишат преку нос наместо на уста. Ова е убава навика која им овозможува дишење и доење во исто време.
Иако ретко, ‘рчењето може да биде знак за нешто посериозно, како што е абнормалност на носот или дишните патишта, зголемени крајници или аденоиди, кои можат да предизвикаат апнеја при спиење
Што не е нормално?
Не треба да има долги паузи помеѓу вдишувањата на бебето. Иако ретко, ‘рчењето може да биде знак за нешто посериозно, како што е абнормалност на носот или дишните патишта, зголемени крајници или аденоиди, кои можат да предизвикаат апнеја при спиење. Кај апнеја за време на спиење, ќе слушнете гласно ‘рчење со продолжени паузи во дишењето.
Некои деца се раѓаат со опуштени горни дишни патишта и неразвиена ‘рскавица. Во овој случај, дишењето минува низ душникот и гркланот и може да предизвика отежнато дишење.
Понекогаш бебето ‘рчи поради затнат нос, настинка или алергија. Ова веројатно не е знак за ништо сериозно. Но, ако забележите некој од овие знаци или сте загрижени поради апнеја за време на спиење, дефинитивно вреди да го посетите вашиот педијатар. Би било многу корисно да ги снимите звуците на ‘рчењето на вашето бебе за да може вашиот лекар да ги слушне.
