Температурата кај бебињата може да биде многу непријатен симптом за родителите, особено ако бебето е многу мало.
Што предизвикува треска кај бебињата?
Треската не е болест, туку е симптом на болест. Тоа обично значи дека телото се бори против болеста и дека имунолошкиот систем е силен. Ако бебето има температура, можно е да се работи за вирус и настинка. Иако не се јавуваат толку често кај децата, причината може да биде болест на уринарниот тракт или пневмонија. Други причини може да вклучуваат и реакција на вакцина и загревање на телото поради премногу облека или време поминато на сонце.
Други симптоми на треска кај дете вклучуваат:
- Лош сон;
- Слаб апетит;
- Незаинтересираност за играње;
- Недостаток на енергија;
- Конвулзии.
Кога бебето има треска?
Нормалната температура на бебето е околу 36,5 до 37,5 степени Целзиусови. Повеќето лекари сметаат дека температурата измерена ректално која изнесува 38 степени и повеќе, е треска.
Доколку докторот дозволи, а бебето е постаро од 6 месеци, можете да му дадете и одредени лекови за таа возраст. Никогаш не му давајте на бебето аспирин, а ако е помладо од 6 месеци, никогаш не давајте лекови што содржат ибупрофен
Кога да се јавите на лекар?
- Ако бебето е помладо од 3 месеци и има висока температура;
- Не реагира на дразби и е летаргично;
- Има осип;
- Покажува знаци на дехидрација, како суви пелени, сува уста, нема солзи;
- Има напад.
Не е лесно за лекарот да каже дали бебето има обичен вирус или посериозна инфекција, па понекогаш ќе биде неопходно да се направат дополнителни тестови за да се открие што ја предизвикало температурата.
Што да направите ако бебето има треска?
Ако бебето се уште не наполнило ниту еден месец, веднаш повикајте лекар. За постарите бебиња, следете ги овие совети:
- Бањајте го бебето во млака вода. Секогаш проверувајте ја температурата на водата на вашиот зглоб пред да го капете бебето.
- Облечете го бебето во облека што дише.
- Дајте му на вашето бебе доволно течности за да избегнете дехидрација, што може да биде мајчино млеко или формула, во зависност од возраста на бебето.
Доколку докторот дозволи, а бебето е постаро од 6 месеци, можете да му дадете и одредени лекови за таа возраст. Никогаш не му давајте на бебето аспирин, а ако е помладо од 6 месеци, никогаш не давајте лекови што содржат ибупрофен. Ако сте загрижени за здравјето на бебето, задолжително јавете се на лекар.
