ДЕСЕТ ЗНАЦИ КОИ ОТКРИВААТ ДЕКА ИМАТЕ НАДАРЕНО ДЕТЕ

Психолозите тврдат дека децата се надарени кога нивните способности се значително над нормалните за нивната возраст

Не е лесно да препознаеме дали нашето дете е надарено или не. За да им помогнат на родителите да научат да откријат дали нивното дете е навистина надарено, научниците од Институтот Дејвидсон составиле листа на карактеристики кои најчесто откриваат дека нивното дете е различно од врсниците. Имено, постојат многу дефиниции за надареност и исто толку многу начини формално да се утврди дали некое дете е надарено или не.

Психолозите тврдат дека децата се надарени кога нивните способности се значително над нормалните за нивната возраст. Имено, учениците можат да покажуваат надарени способности во различни сфери – креативно, интелектуално или во одредена предметна област како што е математика, јазици или наука.

Сепак, постојат одредени знаци кои наводно можат јасно да откријат дали детето е надарено. Тие вклучуваат:

  • екстремна потреба за постојана ментална стимулација,
  • способност за учење и брзо обработување на сложени информации,
  • потреба за истражување теми изненадувачки темелно,
  • ненаситна љубопитност, што се гледа од бескрајните прашања,
  • способност за разбирање на материјалот неколку одделенија над неговите врсници,
  • изненадувачка емоционална длабочина и чувствителност на млада возраст,
  • ентузијазам за уникатни интереси и теми,
  • необична или зрела смисла за хумор,
  • креативно решение на проблеми и имагинативно изразување,
  • брзо впивање на информации со малку потребно повторување.