Потребно:
Оваа количина е за 2-3 лица. Секогаш можете да ги зголемите намирниците.
- 1 модар патлиџан
- 1 тиквица
- 1 црвена пиперка
- 1 жолта пиперка
- 2-3 домати
- 1 помал кромид
- 2-3 чешниња лук
- Сол
- Црн пипер
- Оригано
Подготовка: Сите горенаведени зеленчуци исечкајте ги на коцки, единствено кромидот и лукот можете малку повеќе да ги иситните. Зеленчукот ставете го во подлабока тава, заедно со зачините, да се динствува полека на маслиново масло. Оставете да се готви додека не омекне и зеленчукот не се поврзе и згусне во ароматичен сос. Она што е посебно кај ова јадење е тоа што може да се сервира на многу начини: како лесен самостоен оброк, како прилог со месо или риба или со свеж леб кој совршено ќе ги апсорбира богатите вкусови на сосот. На многумина им се допаѓа вториот ден, бидејќи тогаш вкусовите стануваат уште поинтензивни. Добар апетит!
