Поради послабата можност за терморегулација на детскиот организам (прилагодување на високите температури на околината), телото на детето се загрева многу побрзо (три до пет пати) од телото на возрасен човек.
Високата надворешна температура за многу кратко време кај децата доведува до покачување на телесната температура и до топлотен удар. Доколку не се реагира навреме доаѓа до затајување на органите.
Само 15 минути престој во прегреан автомобил може да доведе до оштетување на мозокот и бубрезите.
Ако температурата надвор е околу 28 °C, температурата во автомобилот може многу брзо да достигне и до 54 °C.
Симптоми кои се јавуваат како резултат на топлотен удар се: забрзан пулс, топла и сува кожа, немир, збунетост, главоболка, појава на вртоглавица, поспаност и губење на свеста.
