Проблемите со слухот кај децата може да се забележат многу рано, а откривањето во почетните фази ја зголемува шансата за подобро лекување. Но, родителите често не ги знаат знаците на рано губење на слухот или проблеми со ова сетило. Еве како да препознаете проблеми со слухот кај детето.
Најголем број здравствени системи во светот вршат тестирање на слухот веќе неколку дена по раѓањето. Но, губењето на слухот може да се појави и подоцна, а понекогаш е поврзано со генетика, како и со инфекции кои мајката ги имала за време на бременоста.
Знаците дека се развива губење на слухот може да бидат различни, а експертите се согласуваат дека е тешко да се забележат кај бебињата, бидејќи тие не можат да кажат дека нешто не е во ред. Но, дури и многу малите деца нема секогаш да можат да објаснат дека имаат проблем со ушите.
Ако мислите дека вашето дете има проблем со слухот, следете го вашиот родителски инстинкт и закажете преглед. Обидете се детето да каже слични зборови кои се разликуваат во една или две букви (права, трева, крава…) и обидете се да утврдите дали ја слуша разликата. Сигнал е и задоцнетиот развој на говорот, како и инсистирањето на детето, омилениоот цртан фил или видео да го гледа со максимален звук.
Секако, ако детето не реагира кога ќе го повикате по име од релативно мало растојание, ова е исто така причина за загриженост. А ако имате впечаток дека често можете да му „прикрадете“ на вашето дете, односно дека не забележува дека сте во собата додека не ве види, добро е да закажете преглед. Тоа автоматски не значи дека детето има проблем со слухот, но добро е да се елиминира оваа можност. Педијатарот најдобро ќе ве советува за следните чекори.
