Излегувањето на првите заби кај бебињата е непријатно и болно, а во текот на ноќта како оваа тегоба да е уште поинтензивна. Детето одеднаш ќе почне да плаче во текот на ноќта, ќе се разбуди и тешко ќе се утеши.
Важно е да ја препознаете оваа фаза во развојот, а еве ги симптомите на никнувањето на првите заби.
• црвени и чувствителни непца
• отечени непца
• црвени образи
• зголемено лигавење
• детето става се во уста и грицка
• ги става рацете во уста почесто од вообичаено
• нервозно е
• понекогаш може да има благо покачена температура
Симптомите на никнување на забите се поизразени при излегувањето на првиот заб, но и кога катниците избиваат бидејќи се многу поголеми од предните заби.
Како да ја „преживеете“ ноќта?
Иако не е секогаш лесно, држете се до редовните рутини пред спиење. Ако ги промените правилата, дури и на кратко, вашето дете може да има проблеми да се врати во режим на спиење.
Кога детето ќе се разбуди, дајте му неколку минути да видите дали повторно ќе заспие самостојно. Ако едноставно не може да се смири, погалете го и утешете го, но поттикнете го да остане во кревет и да се обиде повторно да спие.
Ако детето на успее да заспие, еве што можете да направите:
- Понудете му ладна вода
- Масирајте му ги непцата со чист прст
- Дајдете му разладена (не замрзната) грицкалка за заби
Имајте предвид дека геловите за заби не се препорачуваат бидејќи некои може да содржат состојки кои не се погодни за бебиња и мали деца. Доколку сепак сакате гел, консултирајте се со вашиот педијатар.
Ако ништо друго не помага, можете да му дадете на вашето дете доза парацетамол за бебе. Никогаш не давајте други лекови без претходно да се консултирате со вашиот лекар.
