♦♦♦♦♦♦♦
Детската клиника во Скопје излезе со практични совети за родителите, чии деца се заболени од COVID-19. „Според досегашните сознанија на стручната јавност за состојбата на децата заболени од COVID-19 се знае дека тие ја минуваат полесно од возрасните. Но, убаво е да се знае дека засега не постои специфична терапија ниту третман за лесни состојби кај болните од COVID-19. Потребно е да се ублажат симптомите“, велат од Детската клиника.
Родителите треба да знаат дека на децата ќе им биде потребно следново:
-
Мирување;
-
Правилна исхрана и доволен внес на течности;
-
Температурата може да се намали со антипиретици;
-
На почеток од лекувањето може да се користи парацетамол, но кај децата кои слабо реагираат на него може да се вклучи и ибупрофенот. Засега нема студии кои покажуваат дека ибупрофенот како лек е забранет, така што клиничкото искуство не може да биде доволен и доверлив доказ;
-
Секако може да се користат суплементи за јакнење на имунитет кои во себе ги содржат некои од овие елементи или нивна комбинација: витамин Ц, Д, А, Е, бета глукан, цинк и пробиотици, објаснуваат од Детската клиника во пост објавен на нивната ФБ страница.
