Доаѓањето на нов член во семејството носи огромна радост, но и бројни предизвици за родителите, особено ако веќе имаат едно или повеќе деца. За голем број на деца ова може да биде стресен период, а родителите се тие кои на најдобар начин можат да го подготват своето постаро дете или деца за доаѓањето на помладиот брат или сестра.
- Деца до две години
Децата во овој период не разбираат што значи да се има брат или сестра. Сепак, тие слушаат дека зборувате за бебе. Вашето однесување во тој момент е клучно. Имајте на ум дека не треба да го запоставувате постарото дете. Објаснете му што значи да добие брат или сестра, покажувајте му фотографии, гледајте детски филмови ии цртани на оваа тема. И што е најважно, детето нека почувствува дека е сакано.
- Деца од две до четири години
На оваа возраст, децата се многу врзани за родителите и разбираат што значи да ги делат родителите, тетките, бабите и дедовците со други. Детето може да биде многу чувствително на оваа промена. Објаснете му колку е убаво да се биде постар брат или сестра, и вклучете го детето во организација и планирање на се поврзано со бебето.
- Над 5 години
Децата на оваа возраст главно не се чувствуваат загрозено поради доаѓањето на бебе. Сепак, и нив треба да ги подготвите на сите промени. Објаснете им што подразбира доаѓањето на бебето во домот. Исто е многу важно да не ги запоставувате.
