НАУКАТА ПОТВРДИ: Братот помага да пораснете во подобра личност

Прочитајте четири важни причини поради кои е толку добро да се има брат.

Ако имате брат, тогаш веќе знаете колку неверојатни можат да бидат! Браќата се тука кога ни треба рамо за плачење, кога ни треба помош или кога ни треба партнер за “пакости“. Но, тоа не е се, секако. Истражување покажало дека постојат многу докажани предности за девочињата кои ја имаат таа среќа да растат со браќа.

“Родовата сеграгација во детството значи дека децата со браќа и сестри од спротивниот пол имкаат единствена можност да научат за тоа како да бидат во интеракција со другиот пол, вклучувајќи ги своите браќа и сестри, како и нивните пријатели“, објаснува Сузан Мекхејл, професор по социјални науки на Универзитетот Дјук.

Брат ти може да те направи подобра личност

Студија од 2014 година спроведена на Универзитетот Бригам Јанг покажала дека растењето со брат ја прави личноста посочувствителна. Покрај тоа, истражувачите откриле дека блиската врска со братот исто така го унапредува алтруизмот кај тинејџерите, особено кај момчињата – што може да има големо влијание врз целото семејство.

„Нашето истражување покажа дека поголемиот дел од односите не се толку важни за момчињата како што се за девојчињата“, вели една авторките на студијата, Лора Падила-Вокер. “Но, односот помеѓу браќата и сестрите беше различен, се чини дека меѓусебната приврзаност помеѓу децата беше подеднакво важна и за момчињата и за девојчињата”.

… и да ги усоврши твоите комуникациски вештини

Истражувањето открило и дека сестрите кои растат со браќа имаат подобри комуникациски вештини отколку оние деца кои растат само со сестри или се сами. Како што објаснува Мекхејл, ова може да биде затоа што браќата се „извор на информации и совети кога адолесцентите почнуваат да развиваат хетеросексуални односи“.

Може да го намали нивото на твојот стрес

Кога твојот брат истовремено е и твој пријател, поверојатно е дека ќе чувствувате многу помала количина на стрес. Студија од 2011 година открива дека времето поминато со машки пријатели го намалува нивото на кортизол, хормон во организмот кој го контролира стресот. Со други зборови, вашиот брат ви помага да се смирите дури и кога сè околу вас изгледа хаотично.

… и да го подобри твоето здравје

Ако вашиот брат е фит и јаде здраво, големи се шансите да ги делите неговите навики. Половина од испитаниците од истражувањето откриле дека нивното семејство има најголемо влијание врз нивното здравје и начин на живот, а повеќе од една третина изјавиле дека нивните најблиски имаат најголемо влијание врз нивната исхрана.