Регионот е се уште потресен од веста за петгодишното момче кое во вторникот почина во заклучен автомобил во Книн, Хрватска. Како да се спречат трагедии како ова, на што треба да внимаваат родителите и кои се советите упатени до нив?
„Доенчињата и малите деца немаат способност да ја регулираат телесната температура. Ако надворешната температура е 32 степени Целзиусови, во автомобилот може да се искачи на 54 степени и тоа за само 10-15 минути“, вели д-р Ричард Саладино од Детската болница во Питсбург
„Децата се екстремно љубопитни. Понекогаш влегуваат сами во автомобилот“, вели Џенет Фенел, претседателка на непрофитната организација „Kids and Cars“, која се обидува да ја зголеми безбедноста на децата во автомобилите.
„Понекогаш луѓето ги оставаат автомобилите отклучени, на патеките од нивните домови, во дворовите или гаражите. Тоа никогаш не треба да го прават“, предупредува Фенел.
2018 и 2019 година беа најлошите години во однос на смртните случаи на деца кои доживеале топлотен удар во автомобил. Така 53 деца го загубиле животот. За време на пандемијата, во 2020 година, 24 деца починале во врели автомобили. Во последните 20 години, тоа е причина за смртта на повеќе од 700 деца во светот, според податоците објавени од „Тудеј“.
Доенчињата и малите деца се изложени на најголем ризик. 87 проценти од децата кои починале во прегреани автомобили биле под 3 години.
„Доенчињата и малите деца немаат способност да ја регулираат телесната температура. Ако надворешната температура е 32 степени Целзиусови, во автомобилот може да се искачи на 54 степени и тоа за само 10-15 минути“, вели д-р Ричард Саладино од Детската болница во Питсбург.
Понекогаш луѓето ги оставаат автомобилите отклучени, на патеките од нивните домови, во дворовите или гаражите. Тоа никогаш не треба да го прават
Кога родителите ги забораваат своите деца во автомобилите, Фенел верува дека причината за тоа е исцрпеност и стрес.
„Многу родители веруваат дека ги оставиле своите деца во градинки, за подоцна да откријат дека детето сè уште е во автомобил. Или воопшто и не сфаќаат дека нивните деца сами влегле во автомобилот и останале таму“, објаснува тој.
Многу родители веруваат дека ги оставиле своите деца во градинки, за подоцна да откријат дека детето е сè уште во автомобил. Или воопшто и не сфаќаат дека нивните деца сами влегле во автомобилот и останале таму
Фенел советува секој родител да се придржува до следниве седум работи со цел да се спречат трагедии.
- Погледнете пред да го заклучите автомобилот
Отворете ја задната врата и погледнете ги задните седишта за да бидете сигурни дека сите излегле од автомобилот.
- Чувајте нешто што ви е потребно на задното седиште
До детето ставете мобилен телефон, паричник, лаптоп, сè што ви е важно и потребно кога ќе излезете од автомобилот.
- Набавете кадифена играчка
Чувајте кадифена играчка на детското седиште. Кога има дете на седиштето, ставете ја кадифената играчка на совозачкото седиште. На тој начин ќе имате потсетник дека бебето е одзади.
- Секогаш заклучувајте ги вратите
Дури и ако автомобилот е во гаража, заклучете ги вратите кога ќе дојдете дома за да спречите љубопитни деца да влезат во автомобилот.
- Извадете ги клучевите од автомобилот
За децата клучевите од автомобилот се интересни и можеби сакаат да си играат со нив, затоа чувајте ги подалеку од нивните рачиња.
- Направете договор со градинката или училиштето
Ако вашето дете не се појави во градинка или на училиште без претходна најава, нека се јави член на персоналот за да провери дали е сè во ред.
- Ако забележите дете само во автомобил, направете нешто
Ако видите дете само во автомобилот, не двоумете се да повикате помош.
