Европската недела на имунизација (EIW) традиционално се одбележува секоја година во последната недела од април, оваа година од 24 до 30 април 2023 година.
Европската недела на имунизација 2023 е посветена на потребата да се надополнат пропуштените дози на вакцини поради пандемијата на коронавирус и да се зголеми заштитата од болестите, кои може да се спречат со вакцинација. EIW ја промовира основната порака дека имунизацијата е од витално значење за спречување на болести и заштита на животот. Слоганот „Спречи. Заштити. Имунизирај.“ ја носи оваа порака низ регионот.
Имунизацијата нуди заштита од повеќе заразни болести – од кои многу сега се ретки, благодарение на вакцините. Повеќето семејства во Европа ги штитат своите деца преку бесплатни рутински програми за вакцинација. Меѓутоа, ако се вакцинираат премалку деца, вирусите како мали сипаници и детска парализа можат да се вратат.
Имунизацијата нуди заштита од повеќе заразни болести – од кои многу сега се ретки, благодарение на вакцините. Повеќето семејства во Европа ги штитат своите деца преку бесплатни рутински програми за вакцинација. Меѓутоа, ако се вакцинираат премалку деца, вирусите како мали сипаници и детска парализа можат да се вратат
Пропуштените вакцини може да ни вратат смртоносни болести – токму затоа целта на EIW е да го зголеми опфатот со вакцинација преку подигање на свеста за важноста на имунизацијата меѓу родителите и старателите, здравствените работници, носителите на политики и одлуки и медиумите.
Материјалите и клучните пораки на Европската недела на имунизација 2023 се фокусираат на повторно ангажирање на целокупната јавност за важноста од навремена рутинска вакцинација и надминување на сите пропуштени или одложени вакцини и ќе продолжат да ја нагласуваат потребата од вакцинација против COVID-19, особено кај ранливите групи.
Голем број деца во Европа не се вакцинирани според редовниот календар за вакцинација
Во европскиот регион на Светската здравствена организација, покриеноста со вакцинација во 2020 година беше помала поради пандемијата на Ковид-19, а во 2021 година падот продолжи, зголемувајќи ги разликите меѓу земјите, беше истакнато на прес-конференција во пресрет на Европската недела на вакцинација.
Голем број деца во Европа не се вакцинирани според редовниот календар за вакцинација, а според податоците на Светската здравствена организација, за време на пандемијата на Ковид-19, околу 1,2 милиони деца го пропуштиле својот термин за вакцинација и против заушки, сипаници и рубеола.
ПРОЧИТАЈТЕ И…
