ГАБИЧНА ИНФЕКЦИЈА КОЈА ЧЕСТО ГИ “НАПАЃА“ БЕБИЊАТА: Изгледа како наслаги млеко, а всушност се нарекува сор

Што е орофарингеална кандидијаза или сор и како да ја препознаете.

Ако во устата на вашето бебе зебележите бели наслаги, слични на закоравено млеко, најверојатно станува збор за сор, инфекција што ја предизвикува микроорганизмот – габата Candida albicans, а која е присутна во околината, па и на кожата и слузниците.

Во нормални околности, телото е во состојба да го стопира растот на габичките и да се спречи нејзино ширење, но кај децата помлади од една година, одбранбениот систем на организмот е се уште незрел, па сорот е честа појава.

Како да ја препознаете габичната инфекција кај бебето?

На слузницата на устата прво се појавуваат мали бело-жолти дамки, лесно подигнати од основата (како наслаги). Нивниот изглед потсетува на згрутчување на млеко, но за разлика од млечните наслаги, не можете да ги отстраните, а слузокожата под наслагите е воспалена.

Во својата почетна фаза, дамките може да бидат многу густи и целосно да ја покријат слузницата на јазикот, образите и непцата со ширење кон усните, фаринксот и хранопроводникот.

Оваа габична инфекција предизвикува непријатност и намалена чувствителност на слузницата на местото каде што дамките се густи, особено на јазикот. Вообичаено, првиот знак на инфекција е безволност на детето да цица, што е последица на непријатноста што се јавува при земањето оброк. Доколку белите дамчести наслаги се прошират кон грлото и хранопроводникот, може да се појават пречки при голтањето и надразнување на гласните жици.

Со ваквите симптоми треба да се обрне внимание и на евентуалните останати, како што се температура, кашлица, дигестивни нарушувања.

Како се лекува инфекцијата?

Кај здрави новороденчиња, сорот не претставуваат некој посебен ризик и може да се вброи во минлива болест, но сепак посоветувајте се со педијатар кој, доколку е потребно, ќе ви препише лек кој ги уништува габите, а се применува на место на инфекција.

Никако немојте овие дамки да ги отстранувате механички, на пример со прстот, бидејќи може да ја повредите слузокожата на устата, што го зголемува ризикот од ширење на инфекцијата. Доколку наслагите се пораспространети, треба да ја ограничите употребата на цуцла и почесто да се дезинфицира. Ако го храните вашето дете со шише, бидејќи микроорганизмите потешко се развиваат на силиконски цуцли, користете го овој тип на цуцла за да го нахраните вашето бебе, како и силиконски цуцли лажалки.