Храна која никогаш не смее да им се подгрева на децата

Децата се најмногу чувствителни на негативни промени во храната до кои доаѓа со подгревањето. Прочитајте кои намирници е најдобро да се јадат исклучиво свежо подготвени.

Најздраво е да се јадат свежо подготвени оброци, но понекогаш не можеме поради забрзаниот начин на живот. Готвењето оброци за следниот ден или дури и неколку наредни денови е реалност, а нивното подгревање начин на живот. Сепак, без оглед на практичноста, постојат некои намирници кои е најдобро да се јадат исклучиво свежо подготвени, оти со подгревањето можат сериозно да го нарушат здравјето.

Морковот и спанаќот со подгревањето се менуваат

Зеленчукот како морковот, особено спанаќот, содржи нитрати кои сами по себе не се штетни, но со повторно загревање со низа рекации се менува конечниот продукт: нитрозамини кои делуваат канцерогено. Истото важи и за целерот, репката и за цвеклото, поради што се препорачува овие состојки да се подготвуваат исклучиво свежи во количина доволна за еден оброк. Децата се особено чувствителни на негативните промени во намирниците, поради што не е препорачливо да се подгрева супа или вариво со морков. Кога ја подгревате супата или варивото, извадете го зеленчукот и подгрејте ја само течноста.

Печурките се чувствителна намирница

Печурките се исклучително чувствителна намирница. Протеините во нив лесно се уништуваат, особено под влијание на ензими и микроорганизми. Ако печурките убаво не се исчистат, и по термичката обработка многу брзо не се стават во фрижидер, може да се расипат, поради што не е препорачливо нивно подгревање. Сепак, ако при подготовката на јадењето сте кростеле свежи печурки кои добро сте ги исчистиле, по подготовката сте ги ставиле во фрижидер не повеќе од 24 часа, може да се подгреат на температура од 70 степени.

Готвењето оброци за следниот ден или дури и неколку наредни денови е реалност, а нивното подгревање начин на живот.

Оризот носи ризик од труење

Оризот често се подгрева. Но, тоа, тврдат експертите треба да се избегнува. Проблемот не е во самото загревање, туку во чувањето на оризот пред подгревањето. Суровиот ориз може да содржи спори на бактерии кои можат да предизвикаат труење со храна. Кога оризот ќе се свари, одреден број на спори може да опстојат, да се претворат во бактерии и ако ако оризот се остави на собна температура, ќе се размножат до таа мера да произведат отрови кои предизвикуваат пролив и повраќање. Подгревањето не ги елинимира штетните отрови. Ако сакате да подгреете ориз, однапред оладете го во период од еден час по подготовката, и чувајте го во фрижидер најмногу еден ден пред подгревање.

Што уште не е пожелно да се подгрева?

Поради високиот процент на протеини во себе, пилешкото месо не е препорачливо повторно да се грее. Подгревањето предизвикува промена на структурата на протеините, што за последица може да има дигестивни тегоби. Истото важи и за останатото месо, риба и јадења со јајца.