Институт „Роберт Кох“: Вакцинираните лица не пренесуваат инфекција и може да бидат ослободени од тестирање

Според германскиот епидемиолошки институт, лицата кои ја примиле и втората доза на вакцина против Ковид-19 треба да бидат изземени од задолжителните тестови и карантин

На тој начин, вакцинираните лица би можеле да патуваат и да имаат пристап до услуги како што се фризер или влегување во продавници или музеи каде што е потребен актуелен негативен тест

Германскиот епидемиолошки институт „Роберт Кох“ објави дека не постои ризик од пренесување на инфекцијата кај вакцинираните лица против коронавирус, по што германскиот министер за здравство објави ублажени мерки за вакцинираните.

Според најновите откритија, ризикот од пренесување на коронавирус кај лицата кои биле вакцинирани, најдоцна до 15-тиот ден по примањето на втората доза на вакцината, е помал отколку кај луѓето со негативен тест на коронавирус

„Кој е целосно вакциниран во иднина мора да се третира како и луѓето со тазе негативен тест на коронавирус“, рече министерот за здравство Јенс Спан во интервју за неделното издание на дневниот весник „Билд“.

Спан притоа се повикува на извештајот на државниот епидемиолошки институт „Роберт Кох“, кој покажува дека кај луѓето кои се целосно вакцинирани можноста за пренесување на коронавирус е помала отколку кај луѓето кои се тестирани негативно на вирусот.

Ризикот од пренесување кај вакцинираните лица е помал отколку кај оние со негативен тест

„Според најновите откритија, ризикот од пренесување на коронавирус кај лицата кои биле вакцинирани, најдоцна до 15-тиот ден по примањето на втората доза на вакцината, е помал отколку кај луѓето со негативен тест на коронавирус“, произлегува од извештајот на институтот „Роберт Кох“.

Според Институтот, лицата кои ја примиле и втора доза на вакцина треба да бидат изземени од задолжителните тестови и карантин.

На тој начин, вакцинираните лица би можеле да патуваат и да имаат пристап до услуги како што се фризер или влегување во продавници или музеи каде што е потребен актуелен негативен тест, пренесува „Хина“.