Истражувањата покажале дека луѓето кои имаат деца од раѓање до 18 години губат во просек 645 часа сон во споредба со оние кои немаат деца, вели наставничката Естер Војчицки, објаснувајќи како да ги мотивирате децата да одат навечер на спиење, без борба, расправии и лутење.
Таа смета дека не треба да им се објаснува на децата во кое време треба да одат на спиење, туку да се разговара со нив за обрасците на спиење.
Прашајте го детето: „Кое време е погодно за тебе да одиш во кревет?“. Покрај тоа, дајте му неколку примери. Ваквите разговори можат да започнат на возраст од четири до пет години, вели Војчицки.
„Можете да им ги кажете придобивките од спиењето за децата да разберат зошто треба да спијат. На пример: „Твојот мозок ќе расте побрзо и ќе бидеш попаметен ако спиеш доволно“, објаснила таа.
На децата не треба да им се објаснува во кое време треба да одат на спиење, туку да се разговара со нив за обрасците на спиење
„Откако детето ќе ја разбере важноста на спиењето и ќе почувствува дека и самото учествува во тој процес, тогаш започнува процесот на саморегулација. Тоа значи дека детето ќе почне да се согласува со родителите кога ќе му кажат дека е време за спиење“, вели оваа наставничка.
„Децата во одреден момент сфаќаат дека им треба сон, исто како што научиле сами да одат во тоалет. Мислам дека родителите треба малку да се опуштат бидејќи се ќе биде во ред со нашите деца“, додава Војчицки, а пренесува mindbodygreen.
