Успешното давањето лек на детето понекогаш бара многу креативност. Овде ќе наведеме неколку практични совети кои ќе ви помогнат во тоа да успеете.
- Не го мешајте лекот во сок или во храна која му ја давате на детето, бидејќи во тој случај детето може да почне да ја одбива храната, која до тогаш ја сакал, а истовремено вие нема да знаете дали детето ја примило целата доза од препишаниот лек;
- Секогаш на детето во уста ставајте му помала количина од лекот;
- Кај децата помлади од две години избегнувајте лекови кои треба да се џвакаат;
- Детето најлесно го прифаќа лекот пред оброк;
- Кај доенчињата лекот кој е во течна состојба, најдобро е да му го давате со шприц, капалка или цуцла, а кај поголемите користете лажица;
- Доколку докторот препорача, продолжете со давање лек дури и ако не е со пријатен вкус, бидејќи децата најчесто се привикнуваат на лошиот вкус на лекот;
- Користете плитка, пластична лажица,која најчесто се добива со лекот, а за да бидете сигурни дека детето го голтнало целиот лек, при извлекување на лажицата од уста, повлечете ја од горната усна на детето, за што помалку да остане на лажицата;
- Доколку на детето му давате лек со капалка, таа треба да се постави меѓу внатрешната страна од образот и непцето, и да капнувате по неколку капки, да почекате детето да ги прогголта, па потоа да продолжите.
Што кога детето/бебето ќе го поврати лекот?
Повеќето лекови се апсорбираат во период од 30-45 минути, па доколку бебето успеало да го задржи лекот толку долго, тогаш најчесто не треба да се надомести дозата. Меѓутоа, доколу бебето го исплука лекот веднаш, потребно е дозата да се повтори, освен ако не станува збор за прецизни дози (како на пример лекови за срце, астма и сл). Ако станува збор за антибиотик и бебето го поврати лекот во рок од 10 минути по земањето, дозата треба да се повтори. Бебињата понекогаш се толку болни, па воопшто не може да го задржат лекот кој го пијат орално. Тоа најчесто се лекови кои служат за намалување на телесната температура. Ако дојде до тоа, се препорачува намалување на телесната температура си помош на супозитории (чепчиња).
Доколку бебето никако не може да го задржи антибиотикот, потребно е да се консултирате со педијатар. Денес постојат антибиотици кои се достапни и во други форми.
