Како се гради родителски авторитет?

Бидете доследни во казните, но и во исполнувањето на ветувањата, разговарајте за се отворено и постојано покажувајте му на детето дека го сакате.

Секој родител сака да биде авторитет на своето дете, тоа да го почитува, уважува и слуша. До првите големи расправии доаѓа во адолесценцијата, но дури и мало дете без родителски авторитет може да биде многу проблематично и лошо да се однесува.

Важно е да се знае дека авторитетот не нешто што се подразбира со самиот факт дека сте татко или мајка, туку постепено се гради и стекнува.

За тоа да го постигнете, детето пред се мора да ви верува, бидејќи ако нема доверба, доколку често сте му давале ветувања, а ретко сте ги исполнувале, нема да го уважува вашиот став и мислење. Исто така, ако со однесувањето му испраќате порака дека нешто забранувате или го казнувате само затоа што вие сте лошо расположени, лути или нервозни, нема да имате добар однос.

До првите големи расправии доаѓа во адолесценцијата, но дури и мало дете без родителски авторитет може да биде многу проблематично и лошо да се однесува.

Никогаш не ја критикувајте детската личност, туку само постапката и секогаш истрајувајте во казните, како и во ветувањата. Само правичен, строг, нежен и доследен родител може да изгради авторитет кон своето дете, тврдат стручњаците.

Децата слушаат само тогаш кога се сигурни дека со нив нема да манипулирате и дека секогаш важат истите правила, без оглед на околностите. Кога децата ќе искусат дека родителските барања имаат смисол, тогаш ги прифаќаат нивните ставови, мислења и зборови.

Важно е детето да не се казнува физички. Вистински авторитет не се огледува во стравопочитување, туку во детската самодисциплина. Поточно, детето ви верува и го почитува вашиот авторитет само ако не морате да го присилувате да се однесува на одреден начин. Авторитетот не е важен единствено за да детето се однесува воспитано и културно, туку и за правилен психички развој.

Ако со однесувањето му испраќате порака дека нешто забранувате или го казнувате само затоа што вие сте лошо расположени, лути или нервозни, нема да имате добар однос.

Недостатокот на родителски авторитет ги гради децата во личности со недоволно самодоверба. Децата имаат потреба да бидат заштитени и да им се исполнат потребите. Доколку тоа им е ускратено, растат во верување дека нивното опкружување е хаотично и дека родителите на тоа не можат да влијаат.

Важно е да сфатите дека постои имагинарна граница која ги дели поддршката и поттикот од мешање во детскиот живот. Да се препознае таа граница е нејтежок предизвик, бидејќи родителите лесно ја преминуваат и не дозволуваат детето да донесува самостојни одлуки и да има свое мислење и ставови. Затоа е важно секогаш на детето да му ги објасните своите воспитни методи и да признаете кога не сте во право и да кажете извини. Дозволете му да донесе одлука, но и да превземе одговорност за неа.