КАКО ТАТКОВЦИТЕ ВЛИЈААТ НА РАЗВОЈОТ НА ДЕЦАТА? Колку повеќе таткото игра со детето, тоа ќе биде подобро во училиште!

Неколку децении наназад, научниците спровеле многу студии кои се занимаваа со влијанието на таткото врз развојот на детето.

Многу истражувања се занимаваат со влијанието на мајката врз развојот на детето, но малку се зборува за емоциите, учењата и искуствата што децата ги впиваат врз основа на однесувањето и енергијата на таткото. Тој е извор на поддршка и стабилност и важна алка во интелектуалниот развој на децата.

Еве како односот со таткото влијае на развојот на децата:

  • Влијанието започнува рано, во пренаталниот период. Истражувањата покажуваат дека таткото кој е вклучен за време на бременоста е поверојатно да биде вклучен во родителството подоцна, во активности како што се читање со детето, грижа и емоционална поддршка.
  • Уште во доенечкиот период се создава врската помеѓу таткото и детето, преку татковата грижа за бебето и кај детето се создава чувство на сигурност кое го следи во текот на целиот живот. Децата кои имаат квалитетен однос со својот татко и развиено чувство на сигурност, докажано се поуспешни на училиште и имаат поразвиени социјални вештини.
  • Децата чии татковци се вклучени во нивните секојдневни активности, како што се хранење, капење и играње, се посигурни во себе и како што растат уживаат во подобри односи со своите врсници.
  • Татковците кои се активно вклучени во животот на нивните бебиња – помагајќи во грижата за нив, си играат со нив и ги подучуваат – исто така доживувааат помалку конфликти со своите сопруги. Ова не само што им користи на децата, туку и ги зајакнува брачните односи, со што има долгорочни придобивки за целото семејство.

  • Татковците, кои се грижат и си играат со своите бебиња, воспитуваат децата со повисок коефициент на интелигенција и подобри јазични и когнитивни вештини. Вклучените татковци ги подобруваат комуникациските вештини на своите деца затоа што имаат тенденција да им поставуваат различни прашања на децата од мајките, што го збогатува детскиот речник.
  • Ново истражување покажува дека татковците можат да имаат уште поголемо влијание врз развојот на јазикот на децата отколку мајките. Ако татковците користат различни зборови од мајките за време на играта, децата имаат понапредни јазични вештини една година подоцна, што е важно бидејќи јазичните вештини се поврзани со академскиот успех.
  • Колку повеќе време татковците поминуваат играјќи си со своето дете – како што се игри на глумење или читање приказни – детето постигнува подобри резултати во математиката и читањето на 10-годишна возраст.